Umusaza wavutse mu 1870 amaze imyaka 24 yaracukuriwe imva ariko akomeza kurama

Chief Editor | 28-08-2016
Umusaza wavutse mu 1870 amaze imyaka 24 yaracukuriwe imva ariko akomeza kurama

Umusaza wo muri Indonesia bigaragara ko ashobora kuba ari we muntu ukuze kurusha abandi bose ku isi, amaze imyaka 24 ategereje gushyingurwa ndetse n’imva ye yarateguwe ariko ubu noneho ahamya ko yiteguye gupfa vuba.

Ibyangombwa byemewe n’amategeko ya Indonesia, bigaragaza ko umukambwe Mbah Gotho yavutse tariki 31 Ukuboza 1870, bivuga ko mu mezi macye azuzuza imyaka 146 y’amavuko.

Abavandimwe be 10 bose barashaje barapfa baramusiga, ndetse n’abagore yagiye ashaka uko ari bane nta n’umwe ukiri ku isi, uwanyuma yapfuye mu 1988. Abana be nabo bose barapfuye, ubu abamukomokaho afite ni abuzukuru be, abuzukuruza n’ubuvivi.

Indangamuntu ya Mbah Gotho igaragaza ko yavutse mu 1870

Kugeza ubu, n’ubwo bitaremezwa ngo Mbah Gotho ashyirwe mu gitabo cy’abaciye uduhigo, aruta uwari usanzwemo witwa Jeanne Calment, umufaransakazi wabashije kugeza ku myaka 122. Gusa hari abandi byagiye bivugwa ko barengeje iyi ariko hakabura ibimenyetso n’ibyangombwa bibishimangira.

Umwuzukuru wa Mbah Gotho witwa Suryanto, yatangaje ko sekuru yatangiye kwitegura urupfu rwe ubwo yari afite imyaka 122, ndetse icyo gihe mu 1992 aho azashyingurwa hakaba harateguwe none imyaka ikaba ibaye 24 akiriho.

KANDA HANO UREBE VIDEOS UTASANGA AHANDI