AMAKURU

UKWEZI

Umuyobozi w’ikigo cy’amashuri yafashwe asambanyiriza umunyeshuri w’imyaka 12 mu biro

Umuyobozi w’ikigo cy’amashuri yafashwe asambanyiriza umunyeshuri w’imyaka 12 mu biro
20-09-2016 | By Chief Editor | Yasomwe n'abantu 12359 | Ibitekerezo 3

Samuel Masafu Kongoni, umuyobozi w’ikigo cy’amashuri cya Lugusi Academy cyo muri Kenya, tariki 17 Nzeri 2016 yaguwe gitumo arimo gusambanya umwana w’umukobwa w’imyaka 12 wiga ku kigo ayobora, iki gikorwa cy’urukozasoni akaba yaragikoreraga mu biro bye, ndetse byagaragaye ko atari ubwa mbere kuko yamaze no kumutera inda.

Kugeza ubu Polisi yo mu gace kitwa Bungoma muri Kenya irimo gushakisha uwo muyobozi w’ikigo kuko yahise acika akimara gufatwa asambanya umunyeshuri nk’uko ikinyamakuru Edaily cyo muri Kenya kibivuga.

Nyina w’uwo mwana wasambanyijwe, yavuze ko uwo muyobozi w’ikigo yahamagaye uwo mwana akamwohereza kumugurira ikarita yo guhamagara, hanyuma umwana yasubira mu biro abahinzi basaruraga ibigori hafi aho bakabona umuyobozi w’ikigo ahise akingira imbere, bakagira amakenga y’impamvu baba bikingiranye. Nyuma yo kumucunga, bamuguye gitumo arimo gusambanya uwo mwana w’umukobwa.

Byabaye ngombwa ko bamena urugi, ariko uwo muyobozi w’ikigo, Samuel Masafu Kongoni, abasha gutoroka aciye mu idirishya ry’ibiro bye. Umwana yahise ajyanwa ku bitaro bya Webuye aho basanze koko yasambanyijwe ndetse anatwite inda y’ukwezi kumwe.

Uyu mwana w’umukobwa yivugiye ko yasambanaga n’umuyobozi we kuva mu kwezi kwa mbere k’uyu mwaka wa 2016, uwo muyobozi akaba yari yaramusezeranyije ko azajya amuha ibyo azifuza byose.


Tanga Igitekerezo
Ibitekerezo 3
Devotha Kuya 28-09-2016

Ntibyoroshye gusa Nyagasani niwe wo gutabara.

oliver Kuya 27-09-2016

erega isi yararangiye ubu turi munyongezo!nugusenga cyane

MAFUBO Kuya 20-09-2016

Kabisa isi irashaje ni ugusenga kuko birakomeye

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA