Yarongoye nyirasenge na mubyara we, amaranye nabo igihe baranabyaranye

Chief Editor | 22-09-2016
Yarongoye nyirasenge na mubyara we, amaranye nabo igihe baranabyaranye

N’ubwo mu muco w’ibihugu byinshi ku isi bishobora kumvikana nk’amahano, umugabo witwa Shailesh Dalbot yarongoye nyirasenge ndetse anamurongorana n’umukobwa we, bivuga ko uwo mukobwa nawe ari mubyara we. Ubu amaranye nabo igihe kirekire ndetse baranabyaranye.

Mu muco w’abo mu bwoko bwitwa Mandi mu gihugu cya Bangladesh, umugore upfakaye aba agomba gushakana n’undi muntu wo mu murango w’umugabo yashatsemo. Gusa umugore witwa Shormi Nokrek yarapfakaye, kandi nta wundi musore utarashaka wari usigaye mu muryango w’umugabo yashatsemo, biba ngomba ko ahita arongorwa na Shailesh Dalbot wari ufite imyaka 15 icyo gihe, uyu musore wari ukiri muto aba arongoye nyirasenge, ndetse ahita anarongora umukobwa wa nyirasenge witwa Jellita, wari ufite imyaka 7 icyo gihe. Nyirasenge yamuhaye uwo mukobwa we kugirango atazamuca inyuma akajya mu bandi bagore bakiri bato.

JPEG - 100.2 kb

Bamaze imyaka 45 bashakanye, babaye abakeba kandi ari umwana na nyina

Ubu Shailesh Dalbot ni umusaza, afite imyaka 60 y’amavuko, akaba amaranye n’aba bagore be bombi imyaka 45 yose. Uyu mugore muto witwa Jellita, ubu bamaze kubyarana abana 4, nawe akaba agize imyaka 52 y’amavuko.

JPEG - 78.2 kb

Shailesh Dalbot yabwiye ikinyamakuru Daily Mail nyirarume yari afite barumuna be babiri ariko bakaba bari bafite abagore igihe nyirasenge yapfakaraga, bityo akaba ari we wagombaga guhita amurongora. Ibirori by’ubukwe bwabo byabaye mu 1971, bibera umunsi umwe no gusoza ikiriyo cy’umugabo wa nyirasenge wari wapfuye.

JPEG - 94.5 kb

Yarongoye afite imyaka 15 ariko ubu ni umusaza w’imyaka 60 y’amavuko

Nyirasenge yahindutse umugore we, na mubyara we biba uko nawe ahinduka umugore we, bisobanura ko abana babyaranye nabo bagiye bagirana amasano akomatanyije. Ibi ariko mu gihugu cye ngo si amahano, ndetse ni itegeko riba rigomba kubahirizwa mu muco wabo.

JPEG - 129.4 kb

Ni abagore babiri mu rugo, ariko kandi ni n’umwana na nyina

KANDA HANO UREBE VIDEOS UTASANGA AHANDI