Musenyeri yatanze ubuhamya ashize amanga ko aryamana n’abagabo bagenzi be

Chief Editor | 3-09-2016
Musenyeri yatanze ubuhamya ashize amanga ko aryamana n’abagabo bagenzi be

Musenyeri wa Grantham mu gihugu cy’u Bwongereza witwa Nicholas Chamberlain w’imyaka 52 y’amavuko, yahishuye ko amaze imyaka myinshi afite umugabo mugenzi we bakundana, aboneraho gushimangira ko ari umutinganyi uryamana n’abo bahuje igitsina.

Musenyeri Nicholas ni uwo mu itorero ry’Abongereza (Church of England) ryabyaye amatorero y’Abangilikani ku isi yose, akaba ari nawe Musenyeri wa mbere muri iri torero uhishuye ku mugaragaro ko aryamana n’abo bahuje igitsina.

JPEG - 39.4 kb

Musenyeri Nicholas yabwiye ikinyamakuru The Guardian ko abantu benshi babizi ko ari umutinganyi, kandi akaba ntawe yabihisha n’ubwo atari byo agomba kuzajya aririmba cyane, ahubwo azajya yita ku kubwiriza ubutumwa.

Avuga kandi ko we n’umukunzi we, buri wese aryoherwa n’ubuzima bw’urukundo rudahemukirana bafitanye. Atangaza ko ashaka kuzafasha abayoboke gukomeza kutita cyane ku by’ubuzima bw’ibijyanye n’imibonano mpuzabitsina cyane.

KANDA HANO UREBE VIDEOS UTASANGA AHANDI