AMAKURU

UKWEZI
CHENO

Umuririmbyi wo muri Korali yishwe azira kwiba telefone ya Padiri

Umuririmbyi wo muri Korali yishwe azira kwiba telefone ya Padiri
17-08-2016 | By Chief Editor | Yasomwe n'abantu 5224 | Ibitekerezo 4

Umwe mu baririmvyi ba Korali yo muri Kiliziya Gaturika kuri Paruwasi ya St Joseph mu mujyi wa Patongo mu karere ka Agago mu gihugu cya Uganda, yishwe kuri uyu wa Gatatu nyuma yo kwiba telefone ya Padiri wo muri iyi Paruwase.

Abakirisitu bishe uyu mugenzi wabo witwa Ochan basenganaga ndetse akaba baririmbanaga muri korali, bakaba bamwishe bamushinja kuba ari we wibye telefone igendanwa ya Padiri Lioncy Akena.

Ikinyamakuru Daily Monitor kivuga ko Padiri Lioncy Akena yari yagiriye inama uyu Ochan wakekwaga ko yagarura iyo telefone ku neza, abakirisitu bo bagafata icyemezo cyo kumukubita kugeza ashizemo umwuka.

Umushumba wa Paruwasi, Padiri mukuru Alfonse Odongo yemeje iby’aya makuru ahamya ko abakirisitu bari bitabiriye amasengesho ya mugitondo ari bo bamwivuganye. Ahakana ariko amakuru y’uko na padiri wibwe telefone yaba ari mu bamukubise.

Yagize ati: "Ochan yabanje gufungwa ahakana ibyo kwiba iyo telefone ariko nyuma ahishura ko yabonye agiye gufatwa akayijugunya mu musarane. Ubwo rero bamwe mu bakirisitu bari bazindutse baza gusenga mu masengesho ya mugitondo bamukubise baramwica."

Umwe mu baturiye paruwasi ariko we yemeza ko Ochan yakubiswe n’abantu batatu barimo na Padiri Akena wibwe telefone, mu gihe padiri mukuru Odongo yemeza ko bamwishe padiri wibwe adahari.

Umurambo wajyanywe kwa muganga ngo ukorerwe isuzuma, mu gihe Polisi yatangiye iperereza ngo hamenyekane ababa bagize uruhare muri iki gikorwa cyahitanye ubuzima bw’umuntu.


Tanga Igitekerezo
Ibitekerezo 4
boringo Kuya 4-09-2016

Bibiliya iti bafite ishusho yo kwera(mukuzinduka najya mu nsengero) ariko bakayihakanisha ibikorwa byabo (gukubita no kwica).
Ikibabaje ariko nuko biyita abo bataribo kuko Bibiliya iravuga ngo aho niho bose bazabamenyera ko muri abigishwa banjye nimukundana.
Uwo ukunda ntiwamwiba kandi ntiwamwica. Bakeneye kumenya ukuri maze kukababatura no guta umwanya mu bitagira aho biberekeza handi uretse kurupfu.

kibwa Kuya 31-08-2016

abapadiri baraha!!
ubwose abo bakiristu bo barinze bicwa nimbeho ngo bagiye gusenga naho bagiye kwica

isi ifite ibibazo byishi pe kndi ubwo ngo barashala ijuru cyane

ahaaaa nzabandora numwana w ’i rwanda!

Eric Nsabimana Kuya 18-08-2016

Nimurek urwamfu n,uburo bikurane,nyn umurima niyagera kugenya azomenya aho kimw kimw cose azogishira.

uk Kuya 18-08-2016

Uyu Padir ivanjiri yigisha si iya Yezu, yagombaga kuba yamuhaye indi telefoni dore ko iyo yari yibye yayitaye muri w.c. umuntu nagukubita urushyi mu musaya umwe.............None we yahisemo kubwica!

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA