AMAKURU

UKWEZI

Umuvugabutumwa yashatse kugenda hejuru y’amazi nka Yesu, ararohama aribwa n’ingona

Umuvugabutumwa yashatse kugenda hejuru y’amazi nka Yesu, ararohama aribwa n’ingona
6-06-2016 | By Chief Editor | Yasomwe n'abantu 11040 | Ibitekerezo 6

Umupasiteri wo mu gihugu cya Afurika y’Epfo, yariwe n’ingona kuwa Kane tariki 2 Kamena 2016, nyuma yo kujya mu ruzi avuga ko agiye gutera ikirenge mu cya Yesu Kristo akagenda hejuru y’amazi.

Ikinyamakuru News SA cyo muri Afurika y’Epfo, kivuga ko uyu muvugabutumwa w’imyaka 35 y’amavuko, yashatse kwemeza ikoraniro ry’abayoboke be bari bateranye ari amagana menshi, hafi y’uruzi rwa Kanyamazane ruherereye mu gace kitwa Mgwenya.

Uyu muvugabutumwa witwa Jeremiah Mahlangu,
yagendeye ku ijambo ry’Imana ryanditse muri Bibiliya mu gitabo cya Matayo 14:22-23, avuga ko yabonekewe Imana ikamubwira ko niba afite ukwizera, azabasha gukora nk’ibyo Yesu yakoraga, ahita ashaka no kubishyira mu bikorwa ngo yerekane ibitangaza by’Imana.

Akimara gutera intambwe mu mazi y’umugezi wa Kanyamazane, yahise arohama aribwa n’ingona. Gusa ikinyamakuru News SA gikomeza kivuga ko uyu muvugabutumwa, hari ibindi bitangaza yari yaragiye akora, kuburyo bamwe mu bayoboke be batunguwe no kubona arohama, ndetse kugeza ubu batekereza ko azanazuka nk’uko Yesu yazutse.

Umuryango we uvuga ko ibisigazwa byambuwe ingona zariye Jeremiah Mahlangu bitazashyingurwa vuba, kuko hari icyizere cyinshi cy’uko ashobora kuzazuka.


Tanga Igitekerezo
Ibitekerezo 6
Patrick rukundo Kuya 26-06-2016

Uwo muntu yizize kbs nibitonde lelo!!!

Hakizimana daniel Kuya 7-06-2016

Umuryangowe wihangane gusa nabandi babonereho urugero banjye babanza bitonda barebe kubwo babufite

alex Kuya 6-06-2016

Akumiro ni agacuma naho akeso bakoramo koko.Nta rira ryange natakaza kubera uyu muswa.

Gaju Kuya 6-06-2016

Mana Yanjye Ubuse Tuvuge ko Atizeye?? Hhmm!!! Erega burya na Peter Warintumwaye knd Akaba inshuti Ye yahafi Nawe Yarabigerageje Ararohama Gusa Ntiyagumyemo kuko YESU Yarihafaho Aramurohora. So Rero Ibyi Yi Mana dusenga nibyo kwitondera

Ntirenganya Emmy Kuya 6-06-2016

Yesu weeeee!!!!!!!,niyihangane kuko niwe wizize.Gusa nazuka muzabitangaze.

-xxxx- Kuya 6-06-2016

Izo ni intama za africa zazimiye .bategereze umucunguzi azamurokora

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA