Wari uzi ko 98% by’abaturage ba Israel batizera Yesu batanakozwa iby’ubukirisitu?

Chief Editor | 26-06-2016
Wari uzi ko 98% by’abaturage ba Israel batizera Yesu batanakozwa iby’ubukirisitu?

Israel ni igihugu kivugwa cyane n’abakirisitu ndetse benshi bagifata nk’igihugu cy’isezerano kinagarukwaho cyane muri Bibiliya. Hari benshi bajya kugikoramo ubukerarugendo, bakanakuraho amazi n’imbuto bita iz’umugisha. Igitangaje cyane ariko, ni uko abaturage bagera kuri 98% b’iki gihugu, batemera Yesu nk’Umwana w’Imana ndetse badakozwa na gato iby’ubukirisitu.

Mu gihugu cya Israel, imyemerere yiganzayo cyane ni iya kiyuda (Judaism), kuko abagera kuri 75.1% ari bo bafite iyo myizerere ihabanye cyane no kwemera no kwizera Yesu Kristu. Muri iki gihugu hanabayo indi myemerere n’amadini atandukanye, muri ayo hakaba harimo n’ishingiye ku kwemera kwa gikirisitu ifitwe n’abagera kuri 2% gusa.

Kuva mu myaka 2000 ishize, abaturage benshi ba Israel bazwi nk’Abayahudi, bazirana cyane n’imyemerere ishingiye ku kwizera Yesu Kristu wari umuyahudi nka bo, ngo bamwizere nk’umwami n’umukiza wabo.
 
Abayahudi kugeza magingo aya, bizera cyane idini rya kiyuda, rifata Yesu nk’umwarimu mwiza ndetse n’intumwa y’Imana ariko byagera ku kumwemera nka Mesiya bakabyamaganira kure, aho bavuga ko Imana ari imwe rukumbi, Yesu akaba adakwiye kwitwa Imana cyangwa Umwana wayo.

KANDA HANO UREBE VIDEOS UTASANGA AHANDI