Abanyeshuri 412 birukanywe muri Kaminuza y’u Burundi

Chief Editor | 16-08-2016
Abanyeshuri 412 birukanywe muri Kaminuza y’u Burundi

Abanyeshuri bagera kuri 412 bo muri Kaminuza y’u Burundi birukanywe, ku itegeko ry’umuyobozi mukuru w’iyi Kaminuza. Bazira kuba batarubahirije amabwiriza yari yashyizweho yo gusubira mu masomo yabo.

Aba banyeshuri bo muri Kaminuza nkuru y’u Burundi, bari bamaze iminsi bakora imyigaragambyo binubira kuba barahawe amashami arimo amasomo mashya muri porogaramu bari basanzwe bafite, bakabona bizajya bibazitira mu kubona akazi nyuma yo kurangiza kwiga.

Ubuyobozi bwa Kaminuza y’u Burundi buvuga ko imyigaragambyo y’aba banyeshuri yakurikiwe n’uko banze gusubira mu masomo nk’uko bari babisabwe, bigatuma hafatwa icyemezo cyo kubirukana burundu kuko bigometse bakanga kumvira

Ku rundi ruhande ariko, aba banyeshuri birukanwe bo bavuga ko batangajwe cyane n’iki cyemezo, kuko batanze gusubira kwiga ahubwo bamwe muri bo bari baragiye iwabo kwitegura uko basubira mu masomo yabo muri iki cyumweru. Basaba ko ubuyobozi bwabumva kugirango ibibazo byabo bibonerwe ibisubizo.

KANDA HANO UREBE VIDEOS UTASANGA AHANDI