konka coffee
KONKA

AMAKURU

UKWEZI

Abishe Kaddafi baravumwa, abanya Libya babayeho nabi. Dore uko babagaho atarapfa

Abishe Kaddafi baravumwa, abanya Libya babayeho nabi. Dore uko babagaho atarapfa
15-09-2016 saa 08:42' | By Chief Editor | Yasomwe n'abantu 17953 | Ibitekerezo 16

Icyegeranyo cyakozwe n’abagize Inteko Ishinga Amategeko y’u Bwongereza cyashyizwe hanze muri iki cyumweru, kinenga cyane icyemezo iki gihugu cyafashe hamwe n’u Bufaransa, mu kwivanga mu butegetsi bwa Libya no guhirika Perezida Col Muammar Kaddafi.

Iri tsinda ry’abagize Inteko Ishinga Amategeko rishinzwe ububanyi n’amahanga n’imigenderanire y’u Bwongereza n’amahanga, rishinja uwahoze ari Minisitiri w’Intebe w’u Bwongereza, David Cameron, kuba yarateguye umugambi ugayitse wo kwinjira mu gihugu cya Libya.

Abagize Inteko Ishinga Amategeko mu Bwongereza, bavuga ko ibyakozwe byatumye muri Libya haba intambara z’urudaca, hakabaho ikibazo cy’abimukira bifuzaga kuva iwabo ku bwo kubaho nabi, kandi uburenganzira bw’ikiramwamuntu bukaba bwarahonyowe birenze urugero kugeza n’ubu. Bagaragaza kandi ko byongereye umubare w’imitwe y’intadondwa za kisilamu mu Majyaruguru ya Afurika.

Gusa umuvugizi wa Leta y’u Bwongereza we yahakanye ibi, avuga ko umuryango w’Ubumwe bw’ibihugu by’i Burayi ndetse n’umuryango w’Abibumbye, ONU, bose bari bashyigikiye umugambi wo guhirika Col Muammar Kaddafi.

Muammar Muhammad Abu Minyar al-Gaddafi benshi bazi ku izina rya Colonel Gaddafi, yari Perezida wa Libya wishwe tariki 20 Ukwakira 2011, nyuma y’imyaka 42 yari amaze yicaye ku butegetsi. Yiswe umunyagitugu, umusahuzi n’ibindi bibi mu gihe hari abamufataga nk’intwari, gusa nyuma y’urupfu rwe ukuri kugaragara ni kumwe, ni uko igihugu kibasiwe n’ibibazo by’ingutu kitazapfa kwigobotoramo.

Ubu muri Libya hari isibaniro ry’imitwe irwanya ubutegetsi, abaturage b’abasivili benshi bifitiye imbunda bakoresha bashyira mu bikorwa ibyifuzo by’umujinya w’uko babayeho, ubukungu bwaguye hasi bikabije, ubuzima bugoye abaturage nyamara ku gihe cya Gaddafi bari babayeho mu buzima benshi mu baturage b’ibihugu bizwi ko byateye imbere batigeze bageraho.

Muri iyi nkuru, turagaruka kuri bicye bigaragaza uko abaturage ba Libya bari babayeho mbere y’iyicwa rya Gaddafi, nyamara ubu byose bikaba byarabaye amateka, mu myaka itanu gusa abaturage bakaba babayeho nk’abo mu bindi bihugu bikennye cyane muri Afurika.

Dore bimwe mu byo abaturage ba Libya bahabwaga bakiyoborwa na Gaddafi:

- Ntabwo muri Libya abaturage bajyaga bishyura umuriro w’amashanyarazi, wari ubuntu ku baturage bose.

- Inguzanyo zatangwaga ku baturage ba Libya nta nyungu zagiraga, banki zari iza Leta kandi ziha abaturage inguzanyo batazungukira.

- Umuturage wa Libya warangizaga amashuri ntahite abona akazi, Leta yatangiraga kumuha amafaranga angana n’umushahara yagakwiye kuba ahembwa, kuzageza igihe azabonera akazi

- Umuturage wa Libya washakaga kwinjira mu by’ubuhinzi bwa kijyambere, Leta yamuhaga isambu, inzu, ibikoresho, aho guhunika imyaka azeza n’ibindi byangombwa, byose ku buntu.

- N’ubwo Libya yari igizwe n’igice kinini cy’ubutayu, Gaddafi yari yarakoresheje umushinga wo kuvomerera imirima, uyu ukaba wari ukomeye kandi munini kurusha indi yose ku isi, kuburyo nta gice cyabangamirwaga no kuba igihugu cyari gifite igice kinini kirimo ubutayu. Abashakaga guhinga iyo mirimo yatunganyijwe, ntacyo Leta yabishyuzaga.

- Buri musore wakoraga ubukwe muri Libya, yahitaga ahabwa ako kanya amadolari ya Amerika 5000 (ubu arenga 4.000.000 uyabaze mu mafaranga y’u Rwanda) yo kugura inzu yo gutangiriramo ubuzima.

- Umubyeyi wabyaye, nawe yahitaga ahabwa amadolari ya Amerika 5000

- Umuturage waguraga imodoka, Leta yamwishyuriragaho kimwe cya kabiri cy’agaciro kayo

- Igiciro cya litiro ya lisansi muri Libya, cyari amadolari 0.14, ni ukuvuga atageze ku 120 uyabaze mu mafaranga y’u Rwanda, ariko icyo gihe ubaze agaciro k’idokari, ntiyageraga ku manyarwanda 90.

- Uburezi bwose, kwiga kuva mu mashuri abanza kugeza muri Kaminuza byari ubuntu ku baturage bose.

- Ubuvuzi bwose bwari ubuntu ku baturage bose ba Libya, kandi hari abaganga b’inzobere n’ibikoresho bigezweho bikoreshwa mu buvuzi.

- Umuturage wa Libya wakeneraga kujya kwivuza hanze cyangwa kujya kwiga muri Kaminuza zo mu mahanga, uretse kuba byarishyurirwaga na Leta, yanabageneraga amadolari 2300 ku kwezi ( ubu arenga 1.800.000 uyabaze mu mafaranga y’u Rwanda) yo kubatunga no gukodesha aho bazajya baba.

- Mu gihe cya Gaddafi, yafashije abaturage bagera kuri 25% kuminuza babasha kubona impamyabumenyi za Kaminuza. Yazamuye abajijutse bazi gusoma no kwandika, bagera kuri 87%

- Libya ya Gaddafi, nta mwenda n’uw’ifaranga rimwe yari ibereyemo ibihugu by’amahanga, ahubwo yari ifite ubwizigame bwa miliyari 150 z’amadolari (ubu yaba arenga 123.000.000.000.000 uyabaze mu mafaranga y’u Rwanda)

N’ubwo yatinze ku butegetsi, akamara imyaka 42 yose ntawe yemera ko amusimbura ku butegetsi, ibyo yahaye abaturage byo ntibishidikanywaho, ndetse bishimangirwa n’uko babayeho nyuma y’urupfu rwe. N’ubwo bavugaga ko ari Demokarasi bashakaga, ubu icyo babonye ni imihangayiko, kujegajega mu by’ubukungu n’umutekano no kubaho ubuzima butabaha icyizere cy’ahazaza heza.

UMVA HANO ICYEGERANYO CY’UKO KADDAFI YARI YARADABAGIJE ABATURAGE BE:


Tanga Igitekerezo
Ibitekerezo 16
mugabo Kuya 10-01-2017

abapresident beshi ba afrika baravize ngo bamwice ukagirango bo ntibucya bwitwa ejo.yarapfuye nkuko babishatse.bariya bazungu uwo bakurikizaho ninde? murebe igihugu kiri kujya mbere abaturage bataboroga nicyo bari bukurikizeho

Gitimujisho Alfeld Kuya 9-01-2017

Nyumvira nawe imyaka ishije nigihe bitangarijwe? ese abo anyakubahwa nabo babiryozwa? cg se (ICC) bo ntibareba? genda Afrika warakubititse.

ishimwe Kuya 9-01-2017

Nimba koko libiya yari bayeho gutyo nukuvugayu umurengwe niwo bazize
abisi wee sha sibeza
arko bihanga na ADAM na EVA ntacyo baribabuze mujuru ark nabo byarangiye bisanze bambaye ubusa batangira kuribwa ninza

mama Kuya 17-12-2016

Habyarimana atarapfa abaturage barahunikaga ntamuturage utaragira ikigega iwe nranzara yarihari abaturage baribabateho neza naho iterambere muvuga niwe waritangiye kkibuga cyindege cyubatswe nande sitade nkuru ninde imihanda yose sukuvugurura

Bosiko Kuya 10-12-2016

Afurika niyo izasibangana mbere yindi migabane nibakomeza kuyoborwa nabazungu kuko buriya urebye neza wasanga abazungu ntakiza bifuriza Afurika uretse kurata democrztie nabo badafite

isaie Kuya 9-10-2016

mwagira mute, ndababaye.

ramj Kuya 28-09-2016

iyi libya niyo africa yifuza nyine nIMANA yarabivuze ngo nibabura ubwenge izabareka nibyo bari bategereje

vava Kuya 16-09-2016

gusa niba ibyomuvuga ko KADAFI yakoreraga abanyaribiya aribyo ataribikabyo,mbonyeko abanyafrique ntabwenge tugira koko hhhh ubwose barwaniragiki bashakaga iki batari bafite,umuriro wubuntu?tekereza nkama hotel ari mu rda aramutse acana kubuntu hhhhh umurengwe wica nkinzara koko,tekereza uramutse ufatinguzanyo utazungukira hhh mugiye ino uguza 5000000frw ukishyura6000000frw hhhhh nako njye simbyemera ko arukuri nta gihugu cyaba kimeze gutsyo ntimukatubeshye namwe,ni mwijuru se?

MUGABO Kuya 15-09-2016

Ariko abazungu ntimubazi mwebwe. kuko Cameroun avuyeho barashaka kugaragaza ko biri ku mutwe we kandi baramurwanyije nka leta. Kuko ibyihebe byabinjiriye barashaka kugaragaza ko ubwongereza nta ruhare mu kwica kadafi kugirango bigarurire imitima yabo basubireyo bashake amahoro hanyuma nabo bavome essance bitwaje ko babashyigikiye kandi bababajwe n’urupfu rwe. Politike y’abazungu weee. Byihorere ko batabimushinjye akiyobora? nuko ntabyo bari bazi? Ubuhenda bana.com

MUGABO Kuya 15-09-2016

Ariko abazungu ntimubazi mwebwe. kuko Cameroun avuyeho barashaka kugaragaza ko biri ku mutwe we kandi baramurwanyije nka leta. Kuko ibyihebe byabinjiriye barashaka kugaragaza ko ubwongereza nta ruhare mu kwica kadafi kugirango bigarurire imitima yabo basubireyo bashake amahoro hanyuma nabo bavome essance bitwaje ko babashyigikiye kandi bababajwe n’urupfu rwe. Politike y’abazungu weee. Byihorere ko batabimushinjye akiyobora? nuko ntabyo bari bazi? Ubuhenda bana.com

kamana ismail Kuya 15-09-2016

wowe karinganire uvuga ngo habyarimana iyo adapfa ntiwari kuba mumiborogo iyo wivuga wenyine mumyaka 23 yakoze iki? khadaffi we birumvikana ibyo yakoze naho gitindi gisunzu kinyagwa kinani icyo tuzi yakoze nukuzana iringaniza mu mashuri ngo abahutu 85% ye, ikindi gushyira ubwoko bumwe mu gisirikare cyokoza ku ivangura ho yararenze pe!

musa Kuya 15-09-2016

Uzakora nkibyo yakoze ni inde?mu Rwanda kwikubira.com

karinganire Kuya 15-09-2016

Nubwo Habyalimana atabashije gukora nk’ibya Kadafi,ariko iyo adapfa ntitwari kugira imiborogo ingana nkiyo twagize apfuye.Ibi byagombye kuduha isomo ryo kujya duherekanya ubutegetsi tutaburwaniye n’abandi.Wenda Kadafi yaza kwemera kuva kubutegetsi hatabaye intambara biriya byiza bari kubikomezanya n,uwo abuhaye.Kugundira ubutegetsi nibyo bizana ayo makuba yose.

Dativa Kuya 15-09-2016

Buriya ntibari baziko ibindi bihugu hibayeho. Imana yarabahannye

karinganire Kuya 15-09-2016

Nubwo Habyalimana atabashije gukora nk’ibya Kadafi,ariko iyo adapfa ntitwari kugira imiborogo ingana nkiyo twagize apfuye.Ibi byagombye kuduha isomo ryo kujya duherekanya ubutegetsi tutaburwaniye n’abandi.Wenda Kadafi yaza kwemera kuva kubutegetsi hatabaye intambara biriya byiza bari kubikomezanya n,uwo abuhaye.Kugundira ubutegetsi nibyo bizana ayo makuba yose.

NINEZA J.Claude Kuya 15-09-2016

None iyo mubonye ivyabaye MURI Libiya, ariko mugakomeza gushigkiira abazungu mukugumura abanyagihugu ba Afrika ngo bagire imigumuko k’ubutegetsi bwabo, ntimumaramazwa n’ubujuju bwanyu uko bungana?

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA