Ahagaze mu ikamyoneti, Nkurunziza yihanije abahungabanya umutekano (Amafoto)

Chief Editor | 2-06-2016
Ahagaze mu ikamyoneti, Nkurunziza yihanije abahungabanya umutekano (Amafoto)

Kuri uyu wa Gatatu tariki 1 Kamena 2016, Perezida Pierre Nkurunziza w’u Buurundi yakoresheje inama abaturage arabihaniza bikomeye, iyi nama yabereye muri Komini Mugamba yo mu ntara ya Bururi ikaba yaratangiwemo ubutumwa buburira abajya bahungabanya umutekano w’igihugu ko bahawe iminsi 15 ngo bibe byahagaze burundu.

Kuva ibibazo by’umwuka mubi mu Burundi byatangira kuba mu ntangiriro z’umwaka ushize, abantu babarirwa mu magana barimo n’abasirikare bakuru bamaze kwicwa, mu gihe abarenga 250.000 bahungiye mu bihugu bituranye n’u Burundi birimo n’u Rwanda.

Nkurunziza wakoresheje inama yihagarariye mu ikamyoneti, yari kumwe n’abandi bayobozi bakuru b’igihugu

Abantu bitwaje intwaro batazwi, imitwe n’amashyaka bitavuga rumwe n’ubutegetsi bwa Nkurunziza, abaturage ubwabo, umutwe w’Imbonerakure z’ishyaka rya CNDD-FDD, abasirikare n’abapolisi ba Leta, aba bose bagenda bashyirwa mu majwi bashinjywa kuba inyuma y’ubwicanyi budasiba kuba mu Burundi.

Dore ni uko byari byifashe muri iyi nama ya Perezida Nkurunziza n’abaturage

Mu nama Pierre Nkurunziza yakoresheje imbaga y’abaturage, imbere yabo mu modoka y’ikamyoneti bamuzamuriyemo indangururamajwi, yararanguruye avuga ko atanze iminsi 15 gusa ngo abakora ubu bwicanyi babe bishyikirije Leta cyangwa bahagaritse ibikorwa by’ubwicanyi, bitaba ibyo abashinzwe umutekano ubwabo bakazaba bamaze gutahura ababyihishe inyuma.

KANDA HANO UREBE VIDEOS UTASANGA AHANDI