AMAKURU

UKWEZI

Amerika n’u Bwongereza batangiye kotsa igitutu Kongo nayo yihagararaho irabiyama

Amerika n’u Bwongereza batangiye kotsa igitutu Kongo nayo yihagararaho irabiyama
24-05-2016 | By Chief Editor | Yasomwe n'abantu 2730 | Ibitekerezo

Leta Zunze Ubumwe za Amerika n’u Bwongereza batangiye kotsa igitutu Repubulika Iharanira Demokarasi ya Kongo nyuma yo gutangaza itabwa muri yombi rya Moise Katumbi utavuga rumwe n’ubutegetsi bwa Joseph Kabila, uyu akaba ashinjwa na Leta guhungabanya umudendezo w’igihugu yinjizamo abacancuro b’abanyamahanga.

Umuherwe Moise Katumbi ukunzwe n’abatagira ingano muri Repubulika Iharanira Demokarasi ya Kongo, yatangiye kubuzwa amahoro no gushinjwa ibyaha nyuma y’uko yari yatangaje ko aziyamamaza mu matora y’umukuru w’igihugu ateganyijwe mu mpera z’uyu mwaka.

Leta Zunze Ubumwe za Amerika n’u Bwongereza, bisanga ibi ari ugushyira igitutu ku batavuga rumwe n’ubutegetsi buriho, by’umwihariko ku muherwe Moise Katumbi wahise ahimbirwa ibirego kugirango bamuzitire mu mugambi we wo kwiyamamariza kuba Perezida.

Ibi bihugu by’ibihangange ku isi, bivuga ko nta kabuza bizafatira ibihano Repubulika Iharanira Demokarasi ya Kongo, nyamara iki gihugu nacyo cyamaze kubiyama, kibamenyesha ko ari igihugu gifite ubwigenge.

Minisitiri w’itumanaho akaba n’umuvugizi wa Leta, Lambert Mende, yabwiye BBC ko nta gihugu cy’amahanga gishobora gutera ubwoba abayobozi ba Kongo kuko bamaze imyaka 56 babonye ubwigenge.

Lambert Mende avuga ko igihugu kigenga kinafite inzego z’ubutabera zigomba kubahwa, nk’uko ibyo bihugu by’ibihangange nabyo byubaha inzego z’ubucamanza zabo. Yamaganiye kure ibyatangajwe n’ibi bihugu, avuga ko ari n’agasuzuguro gakabije.


Tanga Igitekerezo
Ibitekerezo
IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA