konka coffee
KONKA

AMAKURU

UKWEZI

Amerika yatewe umujinya na Perezida Museveni, iramushinja ubushinyaguzi

Amerika yatewe umujinya na Perezida Museveni, iramushinja ubushinyaguzi
14-05-2016 saa 05:39' | By Chief Editor | Yasomwe n'abantu 3142 | Ibitekerezo 4

Kuwa Kane tariki 12 Gicurasi 2016, Intumwa z’abadipolomate bo muri Leta Zunze Ubumwe za Amerika, Ubumwe bw’ibihugu by’u Burayi na Canada, barikubise n’umujinya n’uburakari basohoka mu birori by’irahira rya Perezida Museveni, nyuma yo kumva uyu mugabo umaze imyaka 30 ayobora Uganda, anenga akanatesha agaciro urukiko mpuzamahanga mpanabyaha (ICC). Nyuma y’ibi, Leta Zunze Ubumwe za Amerika zatangiye gushinja Museveni ubushinyaguzi.

Imbere y’abanyacyubahiro benshi barimo abakuru b’ibihugu byo muri Afrika nka Chad, Ethiopia, Kenya, Somalia, Afrika y’Epfo, Sudan, Tanzania na Zimbabwe, Perezida Museveni yavuze ko urukiko mpuzamahanga mpanabyaha (ICC), ari itsinda ry’abantu batagize icyo bamaze, ndetse aboneraho kuvuga ko atarushyigikiye na gato. Abari bahagaririye ibihugu bivuga rikijyana mu mikorere y’uru rukiko, bumvise ko Museveni arimo kubajomba ibikwasi bahita bisohokera n’umujinya.

Ibi Museveni yavuze, yabivugiye imbere yabivuze asa n’ushaka kwerekana ko ashyigikiye Perezida wa Sudan, Omar al-Bashir wari witabiriye ibi birori mu gihe hari impapuro zo kumuta muri yombi zashyizwe hanze n’urukiko mpuzamahanga mpanabyaha, rumushinja ibyaha bya Jenoside yakoreye mu gace k’intara ya Darfur. Ubusanzwe uru rukiko, rwifuza kenshi ko Perezida wa Sudan yatabwa muri yombi aho yajya hose, nyamara Museveni we ibi ntabikozwa, asanga uru rukiko ntacyo rumaze.

Ibi ariko byatangiye guhabwa indi sura, kuko ushinzwe itangazamakuru muri Guverinoma ya Leta Zunze Ubumwe za Amerika, Elisabeth Trudeau, mu kiganiro yagiranye n’abanyamakuru yavuze ko kuba abadipolomate barivumbuye bakava mu birori byo kurahira kwa Museveni, bigaragaza ko bari bababajwe n’ubushinyaguzi bw’uyu mukuru w’igihugu, by’umwihariko akaba yarashinyaguriye inzirakarengane z’i Darfur bivugwa ko zishwe na Perezida Omar al-Bashir.

Byari biteganyijwe ko Perezida Museveni agomba guta muri yombi uyu mugabo ushinjwa n’urukiko mpuzamahanga mpanabyaha ibyaha bikomeye birimo na Jenoside, nyamara si we wenyine ugaragaje ko adashyigikiye itabwa muri yombi rye. Muri ibi birori yari kumwe na Perezida Jacob Zuma wa Afrika y’Epfo, uyu nawe umwaka ushize akaba yaranze ko Bashir atabwa muri yombi, ubwo yitabiraga inama y’umuryango nyafurika wigaga ku bibazo by’u Burundi. Perezida w’u Rwanda, Paul Kagame, nawe kuri uyu wa Gatanu yagaragaje ko itabwa muri yombi rya Bashir atarishyigikiye.


Tanga Igitekerezo
Ibitekerezo 4
viateur Kuya 16-05-2016

abo sibamwe batwijisha ibyuburenganzira bwokuvuga icyo utekereza hanyuma se????ntiyababwiye uko abyumva barakajwe ni iki?

Tesa Kuya 14-05-2016

let them shout Africans we are fighting for our right why always controlling Africa? Before they should judge themselves and after we shall negociate whether is possible what they need

Tesa Kuya 14-05-2016

let them shout Africans we are fighting for our right why always controlling Africa? Before they should judge themselves and after we shall negociate whether is possible what they need

-xxxx- Kuya 14-05-2016

Bahere kuli obam,Sarkozy;bush ninde wabarushje kwaca inzirakarekane kubera petrol

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA