Burundi: Abanyeshuri barenga 300 birukanywe bazira ifoto ya Perezida Nkurunziza

Chief Editor | 3-06-2016
Burundi: Abanyeshuri barenga 300 birukanywe bazira ifoto ya Perezida Nkurunziza

Abanyeshuri basaga 300 bigaga mu mwaka wa 8 mu gihugu cy’u Burundi, birukanywe mu ishuri bazira gusiribanga ifoto ya Perezida Pierre Nkurunziza, bakaba kandi barazize ko ibi babikoze bagaragaza urwango banga Perezida Nkurunziza.

Aba banyeshuri birukanywe, ni abo mu kigo cya Ruziba mu majyepfo y’umurwa mukuru Bujumbura, bakaba barazize ko bashwaratuye mu gitabo cy’isomo ry’ubumenyamuntu, muri iki gitabo hakaba ubusanzwe harimo ifoto ya Perezida Nkurunziza n’iz’abami babiri bayoboye u Burundi; Mwezi Gisabo na Mwambutsa IV Bangiricenge.

JPEG - 17.6 kb

Abanyeshuri bashwaratuye mu bitabo bibarirwa muri 30, ariko uretse gusiribanga mu ifoto ya Nkurunziza, banamushyize umusaraba mu gahanga, bamwandikaho n’amagambo y’urwango. Nk’uko bigaragara, umwe yagize ati: "Intumva Nkurunziza, Nkurumbi... Manda ya 3..."

JPEG - 18.8 kb

Amafoto y’aba bami bari kumwe na Nkurunziza, yo ntawigeze uyashwaraturamo. Abana bamaze kubazwa uwagiye ashwaratura muri ibi bitabo buri wese akabihakana, ubuyobozi bwafashe icyemezo cyo guhita bwirukana abanyeshuri basaga 300 bo mu mashuri atatu y’umwaka umwe.

KANDA HANO UREBE VIDEOS UTASANGA AHANDI