Donald Trump avuga ko Perezida Obama ariwe washinze umutwe w’intagondwa za kisilamu

Rukundo Irené | 11-08-2016
Donald Trump avuga ko Perezida Obama ariwe washinze umutwe w’intagondwa za kisilamu

Mu gihe habura igihe gito ngo amatora yo guhatanira umwanya wo kuyobora Leta Zunze Ubumwe za Amerika agere, Donald Trump na Hillary Clinton bahanganiye uyu mwanya, bakomeje kugenda biyamamaza mu bice bitandukanye by’igihugu. Mu ijoro ryo kuri uyu wa gatatu, ubwo yari mu ntara ya Florida, Donald Trump yakojeje urutoki mu jisho rya Perezida Barack Obama, avuga ko ariwe watangije umutwe w’iterabwoba wa kiyisilamu (Islamic State) ndetse avuga ko Hillary Clinton ariwe umwungirije.

Nyuma yo kwemeza ko Barack Obama ari we washinze umutwe w’intagondwa za kisilamu, Donald Trump yakomeje agira ati. ”Iterabwoba rya kiyisilamu nta nubwo abantu bakunze kurivuga, na Perezida wacu ntabwo ajya arivugaho, buri uko habaye igikorwa cy’iterabwoba nkomeza nifuza ko yabivuga akerura ariko ntabwo aba ashaka kubivugaho.”

Ntabwo yagiye ku ruhande rumwe gusa, ahubwo yagarutse no kuri mugenzi we bahanganye Clinton ndetse akomeza avuga ko nawe atajya avuga ku bijyanye n’iterabwoba rya kisilamu. Ngo atinya kubivugaho nawe kugirango bitababaza Perezida Obama kandi ngo akomeje kubivuga nawe ubwe byamugiraho ingaruka z’uko yaba agaragaje Perezida nabi.

Ubusanzwe amazina ya Perezida wa Amerika ni Barack Obama Hussein n’ubwo iri zina ry’abasilamu ridakunda kuvugwa, Trump we akaba abishingiraho yemeza ko uyu mukuru w’igihugu ari we uhagarariye ibikorwa by’uyu mutwe wa kiyisilamu.

KANDA HANO UREBE VIDEOS UTASANGA AHANDI