Ghana: Perezida yatunguye abaturage azenguruka umujyi kuri moto - Amafoto & Video

Chief Editor | 15-06-2016
Ghana: Perezida yatunguye abaturage azenguruka umujyi kuri moto - Amafoto & Video

Abaturage bo mu gihugu cya Ghana, batunguwe n’uburyo Perezida w’iki gihugu, John Dramani Mahama, yatembereye kuri moto akazenguruka ibice bitandukanye byo mu murwa mukuru Accra ntawe ubashije kumutahura.

Ku Cyumweru tariki 12 Kamena 2016, nibwo Perezida John Dramani Mahama yafashe moto, yambara ingofero yabugenewe ubundi yitemberera mu murwa mukuru w’igihugu cye, aho bivugwa ko yishakiraga gutembera ngo arebe neza ikibazo cy’imvura nyinshi yibasiye abatuye uyu mujyi, ibintu atari kugeraho byoroshye iyo aba ari mu modoka asanzwe agendamo iba iherekejwe n’abamurinda benshi, kandi hari uduce dufunganye imodoka zitabasha kugeramo.

JPEG - 63.7 kb

Mu mezi nk’aya buri mwaka, umurwa mukuru w’igihugu cya Ghana wibasirwa n’ibiza biterwa n’imvura nyinshi, Perezida John Dramani Mahama akaba yarazengurutse ibice bitandukanye, yibonera ukuri nyako kw’ibyangijwe n’imvura.

JPEG - 69.5 kb

Abaturage benshi babonye iyi moto izenguruka umujyi, ntibahise batekereza ko yaba ari perezida cyane ko bitari bisanzwe, ahubwo babimenye nyuma ndetse biranabatangaza cyane.

REBA HANO VIDEO:

Source: Afrika TV

KANDA HANO UREBE VIDEOS UTASANGA AHANDI