konka coffee
KONKA

AMAKURU

UKWEZI

Harategurwa imyigaragambyo idasanzwe yamagana ubutegetsi bwa Perezida Magufuli

Harategurwa imyigaragambyo idasanzwe yamagana ubutegetsi bwa Perezida Magufuli
10-08-2016 saa 09:49' | By Bikorimana Alexis | Yasomwe n'abantu 2554 | Ibitekerezo

Umunyamabanga Vicent Mashinji ndetse n’uhagarariye ishyaka riharanira Demokarasi muri Tanzania (CHADEMA) ritavuga rumwe n’ubutegetsi, babwiye itangazamakuru ko bateguye imyigaragambyo idasanzwe bazakora nta kabuza, kabone n’iyo polisi yabakoma mu nkokora.

Aba bagabo bavuze ko imyiteguro y’iki gikorwa iri kugenda neza, ngo kandi abanyamuryango bose baryamiye amajanja ngo bagaragaze ibyo bavuga ko bitagenda neza mu butegetsi bwa perezida Dr Joseph Pombe Magufuli.

Abayobozi b’iri shyaka ritavuga rumwe n‘ubutegetsi buriho, mu ibaruwa ndende bashyizeho umukono, bemeje ko badashobora kwihanganira na rimwe Guverinoma itubahiriza Itegeko Nshinga ndetse ikaba ivogera ikanatoteza amashyaka atavuga rumwe na Leta.

Umunyamabanga w’iri shyaka Dr Mashinji, yavuze ko ishyaka ryagize amajwi agera kuri 40% kandi rikaba rifite abarihagarariye mu Nteko Ishinga amategeko bagera kuri 73, bakiyongeraho abajyanama bagera ku 1000, bityo bakaba batumva ukuntu ritahabwa agaciro nk’ishyaka ryubashywe mu gihugu.

Iri shyaka rivuga ko ari inshingano zabo kugaragaza ibitagenda neza muri Guverinoma dore ko ryemeza ko Perezida Magufuli abashyira inyuma kandi ari bo bakabaye bubashywe.

Uhagarariye ishyaka rya CHADEMA, Tundu Lissu yavuze ko biteze no kuzahura n’ibibaca intege ariko ko biteguye kubirenga nta nzitizi. Ikinyamakuru The Citizen kivuga ko iri shyaka rimaze igihe kitari gito ritegura imyigaragambyo biteganyijwe ko izaba mu gihe cya vuba.


Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA