Hashyizwe hanze amabanga y’ihohoterwa Hillary Clinton akorera umugabo we Bill Clinton

Chief Editor | 8-06-2016
Hashyizwe hanze amabanga y’ihohoterwa Hillary Clinton akorera umugabo we Bill Clinton

Hillary Clinton uri mu bahatanira kuyobora Leta Zunze Ubumwe za Amerika, naramuka abigezeho azaba ari umugore wa mbere ubashije kuyobora iki gihugu. Mu gihe ibikorwa by’amatora birimbanyije, umwe mu bakoraga mu biro by’iperereza yatangaje amabanga y’agasuzuguro, amahane n’ihohoterwa akorera umugabo we Bill Ctinton nawe wigeze kuba Perezida w’iki gihugu.

Mu gihe Hillary Clinton yaramuka abaye Perezida wa Leta Zunze Ubumwe za Amerika, hari bamwe mu bakora mu biro by’umukuru w’iki gihugu batabyishimira na gato, bitewe n’umujinya, amahane n’agasuzuguro azwiho kugera n’aho ahohotera umugano we Bill Clinton.

Gary Byrne wari mu bashinzwe kurinda Perezida Bill Clinton, yamaze kwandika igitabo kizajya hanze tariki 28 uku kwezi, ariko bimwe mu bizaba bikirimo bikaba byaratangarijwe ikinyamakuru The New York Post. Uyu musirikare mukuru, avuga ko Hillary Clinton ari umunyamahane cyane, ndetse ibyo yamubonyeho kuva mu mwaka w’1993 kugeza muri 2001 bikaba byaramukuye umutima.

Gary Byrne avuga ko amahane ya Hillary Clinton, uburakari bwe n’uburyo yahohoteraga umugabo we wari Perezida icyo gihe, byatumye bafata icyemezo cyo kuzajya barinda Perezida Clinton, rimwe na rimwe bakanabuza umugore we kumwegera nk’abantu bari bashinzwe umutekano w’umukuru w’igihugu.

Uyu mugabo wahoze akora muri White House, avuga ko umunsi umwe mu 1995, Hillary Clinton yarwanye n’umugabo we Bill Clinton akanamukomeretsa ku isura, bakanamena ibintu bitari bicye mu bikoresho byari mu nzu yabo.

KANDA HANO UREBE VIDEOS UTASANGA AHANDI