Hatowe ugiye gusimbura Ban Ki-Moon ku buyobozi bw’Umuryango w’Abibumbye

Chief Editor | 6-10-2016
Hatowe ugiye gusimbura Ban Ki-Moon ku buyobozi bw’Umuryango w’Abibumbye

Antonio Guterres wahoze ari Minisitiri w’Intebe wa Portugal, niwe watowe nk’ugiye kuba Umunyamabanga mukuru w’Umuryango w’Abibumbye, agasimbura Ban Ki-Moon umaze imyaka 10 ayobora uyu muryango.

Kuri uyu wa Gatatu tariki 5 Ukwakira 2016, nibwo Antonio Guterres yatowe ku kigero cyo hejuru atsinda abandi bakandida 9 bari bahanganye. Yatowe n’abagize akanama gashyizwe umutekano n’amahoro bagera kuri 15, abagera kuri 13 bakaba baremeje ko akwiye kuyobora uyu muryango, 2 bakaba barifashe, mu gihe nta n’umwe wagaragaje mu buryo bweruye ko atamushyigikiye.

JPEG - 33.8 kb

Antonio Guterres, umunyamabanga mukuru w’Umuryango w’Abibumbye

Ambasaderi w’u Burusiya mu muryanyo w’Abibumbye, Vitaly Churkin, yatangaje ko bigaragara ko nta gushidikanya Antonio Guterres ari we uzaba Umunyamabanga mukuru wa ONU mushya, hakaba hasigaye andi matora yo kumwemeza aza kuba kuri uyu wa Kane, ariko aya ngo ntashobora kumwanga.

Antonio Guterres w’imyaka 67 y’amavuko, yari amaze imyaka 10 ayobora ishami ry’Umuryango w’Abibumbye ryita ku mpunzi, akaba azasimbura Ban Ki-Moon muri Mutarama 2017.

KANDA HANO UREBE VIDEOS UTASANGA AHANDI