konka coffee
KONKA

AMAKURU

UKWEZI

Ikibazo cy’amafoto ya Perezida Pierre Nkurunziza gikomeje gufata indi ntera ikomeye

Ikibazo cy’amafoto ya Perezida Pierre Nkurunziza gikomeje gufata indi ntera ikomeye
21-06-2016 saa 06:24' | By Chief Editor | Yasomwe n'abantu 4680 | Ibitekerezo 5

Ikibazo cy’abanyeshuri basiribanze ifoto ya Perezida Pierre Nkurunziza w’u Burundi bakanandikaho amagambo y’ibitutsi, kimaze gufata indi ntera ndetse bigaragara ko gishobora guteza imidugararo ikaze mu gihugu cyose, dore ko ubu cyamaze kuba kimwe mu biteje impagarara.

Mu byumweru bishize, nibwo mu Burundi hatangiye kwirukanwa abanyeshuri bamwe na bamwe abandi baranafungwa bazira ko bashwaratuye mu gitabo cy’isomo ry’ubumenyamuntu, muri iki gitabo hakaba ubusanzwe harimo ifoto ya Perezida Nkurunziza n’iz’abami babiri bayoboye u Burundi ; Mwezi Gisabo na Mwambutsa IV Bangiricenge.

JPEG - 18.8 kb

Abanyeshuri bashwaratuye mu bitabo byinshi kuko kugeza ubu bimaze kugaragara ko ari ibintu byakozwe mu bigo byinshi bitandukanye byo muri iki gihugu, ariko uretse gusiribanga mu ifoto ya Nkurunziza, banamushyize umusaraba mu gahanga, bamwandikaho n’amagambo y’urwango. Nk’uko bigaragara, umwe yagize ati : "Intumva Nkurunziza, Nkurumbi... Manda ya 3..."

JPEG - 17.6 kb

Hari bimwe mu bigo, abana b’ishuri ryose birukanywe, hakaba n’abandi 11 bafunzwe bazira ibi bikorwa, ndetse n’abandi bakomeje gufatwa buhoro buhoro bagafungwa gusa ikibazo ababyeyi b’abana bakomeje kugaragaza, ni uko nta munyeshuri ugira igitabo cye ahubwo usanga abana babarirwa muri 200 basangira ibitabo biri munsi ya 30, bityo bakumva bamwe bashobora kubirenganiramo.

Abarundi benshi barimo abahunze igihugu mu mwaka ushize, babinyujije ku mbuga nkoranyambaga nabo bakomeje kwamagana ibi ari nako ubwabo bita Perezida wabo "Nkurumbi", ibintu bigaragaza ko ikibazo cy’amafoto ya Nkurunziza gishobora gukomeza guteza ikibazo mu gihugu cyose.

Bahamagarira kandi abarundi bose kwigaragambya bamagana ibikorerwa abana, bavuga ko nta kimenyetso gifatika gishinja abirukanywe n’abafunzwe, kuko ibitabo bisangirwa na benshi kandi icyaha kikaba ari gatozi ntawe ukwiye guhanwa arengana.


Tanga Igitekerezo
Ibitekerezo 5
nkunzimana jean claude Kuya 11-02-2017

nkurunziza narekure manda abarundi basubire mumago kandi niyitabe ibiganiro bamukubite intahe mugahanga

nkunzimana jean claude Kuya 11-02-2017

nkurunziza narekure manda abarundi basubire mumago kandi niyitabe ibiganiro bamukubite intahe mugahanga

JuvenalMUHIGIRWA Kuya 28-09-2016

nkurunzizayaramazekutwangazaarikoBACAUMUGANIMUKIRUNDIBATI,uwuzagusigauramurinda]

Paul Kuya 23-06-2016

Umuhanga salomo yaravuze ngo" Nuba umwami ntukite ku ijambo ryose riva ku mugaragu kuko nawe uziko ukiri umugaragu wavugaga abandi"

abel Kuya 21-06-2016

Mwabantu ymumuzimu uri mubandi bose uzabavamo ryari ko birenze none nkuwo uhamagarira abantu kwigaragambya simugome wumwicanyi koko. None ko ikosa ryakozwe nabo banyeshuri rigaragara icyari gikenewe nugusaba imbabazi no kuzitanga kuri nyakubahwa naho abo barundi bagikunda akavuyo mugihugu ngo niko kazakrmura ibibazo byabo ninyangabirama kandi bazapfa bangara mumahanga kubera imitwe minini nubugoryi bwo kutamenye kwicisha bugufi nyamara aribyo byari bikenewe

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA