Kizza Besigye watanguranwe na Museveni kurahira yiyita Perezida, yashinjwe ubugambanyi

Chief Editor | 13-05-2016
Kizza Besigye watanguranwe na Museveni kurahira yiyita Perezida, yashinjwe ubugambanyi

Dr Kizza Besigye watatangaje benshi ubwo yatanguranwaga na Yoweri Museveni kurahira nka Perezida wa Uganda kandi ibyavuye mu matora byaragaragaje ko atari we watsinze, yagejejwe imbere y’urukiko ashinjwa ibyaha bikomeye byo kugambanira igihugu.

Mu gihe kuri uyu wa Kane tariki 12 Gicurasi 2016 ari bwo Perezida Yoweli Museveni yagombaga kurahirira kongera kuyobora igihugu cya Uganda nyuma y’amatora yatsinze mu ntangiriro z’uyu mwaka, Dr Kizza Besigye bari bahanganye kuri uyu mwanya agatsindwa ariko agatangaza ko amatora yabayemo uburiganya, kuwa Gatatu nawe yakoze umuhango wo kurahira ashimangira ko ari we Perezida wa Uganda, abikora mbere y’amasaha ngo uwatsinze arahire.

REBA HANO KIZZA BESIGYE ARAHIRA:

Nyuma y’iki gikorwa cyasekeje benshi kikanafatwa nk’urwenya na bamwe, Polisi ya Uganda yahise ita muri yombi uyu mugabo utavuga rumwe n’ubutegetsi bwa Perezida Museveni, akaba n’umwe mu bafite abayoboke benshi muri iki gihugu cya Uganda.

Kuri uyu wa Gatanu tariki 13 Gicurasi 2016, Kizza Besigye yagejejwe imbere y’urukiko ashinjwa ibyaha byo kugambanira igihugu, ibi bikaba byabereye ahitwa Moroto. Kizza Besigye yagejejwe imbere y’urukiko ahagana ku isaha ya saa kumi n’ebyeri n’igice z’umugoroba, arinzwe bikomeye. Yabwiwe n’ubushinjacyaha ko kuba yaragiye abwira abantu bose ko ari we Perezida, ari icyaha cyo kugambanira igihugu.

Urukiko kandi byarangiye rwanzuye ko akomeza gufungirwa muri gereza nkuru ya Moroto, kugeza tariki 25 Gicurasi ubwo azongera kugezwa imbere y’urukiko.

KANDA HANO UREBE VIDEOS UTASANGA AHANDI