Kizza Besigye yamaze kurahira nka Perezida wa Uganda ahita atabwa muri yombi arafungwa

Chief Editor | 11-05-2016
Kizza Besigye yamaze kurahira nka Perezida wa Uganda ahita atabwa muri yombi arafungwa

Mu gihe kuri uyu wa Kane tariki 12 Gicurasi 2016 ari bwo Perezida Yoweli Museveni yagombaga kurahirira kongera kuyobora igihugu cya Uganda nyuma y’amatora yatsinze mu ntangiriro z’uyu mwaka, Kizza Besigye bari bahanganye kuri uyu mwanya agatsindwa ariko agatangaza ko amatora yabayemo uburiganya, kuri uyu wa Gatatu nawe yakoze umuhango wo kurahira ashimangira ko ari we Perezida wa Uganda, abikora mbere y’amasaha ngo uwatsinze arahira, bituma atabwa muri yombi.

REBA HANO KIZZA BESIGYE ARAHIRA:

Nyuma y’iki gikorwa cyasekeje benshi kikanafatwa nk’urwenya na bamwe, Polisi ya Uganda yahise ita muri yombi uyu mugabo utavuga rumwe n’ubutegetsi bwa Perezida Museveni, akaba n’umwe mu bafite abayobozi benshi muri iki gihugu cya Uganda.

Si ubwa mbere Kizza Besigye afungirwa ibikorwa bimeze nko kwigaragarambya no kwigomeka ku butegetsi bwa Perezida Museveni, mu gihe cy’amatora na mbere yaho nabwo akaba yaragiye akunda gufungwa.

Kuri uyu wa Kane tariki 12 Gicurasi 2016 nibwo Perezida Museveni yarahiriye kongera kuyobora indi manda, abakuru b’ibihugu batandukanye bakaba bari muri iki gihugu aho bari bagiye kwitabira uyu muhango. Museveni amaze imyaka 30 ku butegetsi, abatavuga rumwe nawe bakaba bamushinja kugundira no kwikubira ubutegetsi.

KANDA HANO UREBE VIDEOS UTASANGA AHANDI