Minisitiri yirukanywe nyuma y’amashusho yakwirakwije amugaragaza akora ibisa n’ubusambanyi

Chief Editor | 2-09-2016
Minisitiri yirukanywe nyuma y’amashusho yakwirakwije amugaragaza akora ibisa n’ubusambanyi

Minisitiri w’abagore n’abana mu gihugu cy’u Buhinde, yirukanywe kuri uyu mwanya nyuma y’uko ku mbuga nkoranyambaga no mu bitangazamakuru hakwirakwijwe amashusho amugaragaza mu bikorwa biganisha ku busambanyi, dore ko agaragara asoma abagore babiri kandi asanzwe afite umugore bashakanye byemewe n’amategeko.

Sandeep Kumar wayoboraga Minisiteri y’abagore n’abana mu gihugu cy’u Buhinde, yakuwe kuri uyu mwanya na Minisitiri w’Intebe w’iki gihugu, Arvind Kejriwal, nyuma yo kunanirwa kwihanganira amakosa ye yagaragajwe mu mashusho yashyizwe hanze agakwira kuri televiziyo zo muri iki gihugu no ku mbuga nkoranyambaga, aho agaragara arimo gukorana n’abagore babiri ibikorwa bitandukanye biganisha kubusambanyi kandi asanzwe ari umugabo wubatse.

JPEG - 71 kb

Arvind Kejriwal watangaje ko yamukuye kuri uyu mwanya yagize ati: "Ntabwo dushobora gushyigikira inkozi z’ibibi, mu gihe ibimenyetso simusiga byaba bije bigaragaza ko abaminisitiri cyangwa abandi bayobozi bitwara nabi."

Kumar w’imyaka 35 kandi yari n’umuyoboke w’ishyaka riri ku butegetsi mu Buhinde ryitwa AAP, muri iri shyaka naho akaba yahawe umugayo. Ibinyamakuru byo muri iki gihugu bivuga ko hari CD yatahuwe yari ibitswe na nyirubwite, ikaba yari iriho amashusho arimo amafoto na videwo mu bihe bitandukanye, asomagurana n’abagore ndetse banakora ibindi bikorwa biganisha ku busambanyi.

JPEG - 34.3 kb

CD iriho aya mashusho yaje koherezwa kuri Minisitiri w’Intebe n’umuntu utaramenyekana, ndetse anayikwirakwiza ku mateleviziyo atandukanye, ubundi bikwira hose no ku mbuga nkoranyambaga.

JPEG - 35.5 kb
JPEG - 82.4 kb
JPEG - 86.6 kb

Kumar agaragara mu mashusho akorana n’abagore batandukanye ibiganisha ku busambanyi

KANDA HANO UREBE VIDEOS UTASANGA AHANDI