Muri Zimbabwe barashaka gutangira guteganyiriza urupfu rwa Perezida Robert Mugabe

Chief Editor | 28-09-2016
Muri Zimbabwe barashaka gutangira guteganyiriza urupfu rwa Perezida Robert Mugabe

Itsinda ry’abaturage bo muri Zimbabwe batewe impungenge n’ahazaza h’iki gihugu, guhera kuwa Mbere tariki 27 Nzeri 2016 bateraniye i Johannesburg muri Afurika y’Epfo barebera hamwe uko iki gihugu kizamera mu minsi iri mbere, banzura ko bagiye gutangira guteganyiriza urupfu rwa Perezida Robert Mugabe.

Ikinyamakuru ENCA Africa gitangaza ko iri tsinda ryagaragaje ko Perezida Robert Mugabe w’imyaka isaga 92 y’amavuko, ashaje kuburyo ashobora gupfa mu buryo butunguranye, kandi ibi bibayeho batarateganyirije urupfu rwe Zimbabwe ikaba yahura n’akaga gakomeye.

Bagaragaza ko hakwiye gutorwa no gutegurwa neza ubuyobozi bw’inzibacyuho buzahita buyobora igihugu Perezida Robert Mugabe akimara gupfa, kuko ubu buyobozi budateguwe kare igihugu cyazadukamo imvururu z’urudaca mu gihe Perezida azaba yapfuye.

N’ubwo abantu benshi bakunda kugaragaza ko Perezida Robert Mugabe ashaje kuburyo adakwiye gukomeza kuyobora Zimbabwe, we ibi ntabikozwa kuko yemeza ko no mu mwaka wa 2018 azongera kwiyamamariza kuyobora iki gihugu mu gihe azaba afite imyaka 94 y’amavuko.

KANDA HANO UREBE VIDEOS UTASANGA AHANDI