konka coffee
KONKA

AMAKURU

UKWEZI

Perezida Magufuli yategetse ko abayobozi bakuru bazajya bagenda mu tumodoka duciriritse

Perezida Magufuli yategetse ko abayobozi bakuru bazajya bagenda mu tumodoka duciriritse
17-08-2016 saa 19:00' | By Chief Editor | Yasomwe n'abantu 5590 | Ibitekerezo 6

Perezida wa Tanzania, John Pombe Magufuli, yategetse ko abayobozi mu nzego nkuru za Leta bajyaga bagenda mu modoka za V8 n’izindi zihenze bagomba gutangira bakazajya bagenda mu tumodoka duciriritse nka Toyota Vitz, Duet, Passo, Probox n’utundi dusanzwe dutungwa n’abaturage basanzwe, mu rwego rwo kwirinda gusesagura umutungo w’igihugu.

Perezida John Joseph Pombe Magufuli yategetse ko imodoka zihenze zari zisanzwe ari iza Guverinoma, zigomba gutezwa cyamunara zikagurwa n’abantu bifite aho gukoreshwa n’abayobozi, aba bakaba bagomba kugenda mu tumodoka duciriritse.

Abaturage benshi bishimiye iki cyemezo nk’uko ikinyamakuru Standard Media kibivuga, mu gihe abayobozi bo byumvikana ko bababajwe cyane n’iki cyemezo kibabuza icyubahiro bari bafite.

Perezida Magufuli ati: "Buri muyobozi wese waje hano ashaka kuba umukire, ahagarike akazi ajye kuba rwiyemezamirimo. Abaminisitiri mwese n’abandi bayobozi bakuru muri Guverinoma, muri aha ngo mukore ntabwo mwaje kwishimisha. Sinshaka kongera kubabona muri ziriya modoka nini zihenze, ushaka guhatiriza ashaka kuzigendamo muzamureke agende agure imodoka ye, tuzamushyigikira. Kugirango tubashe kubaka iki gihugu nk’uko nabivuze niyamamaza, tugomba kwitanga no kwigomwa, bityo rero tugomba no kwigomwa umunyenga wa ziriya modoka tukazajya tugenda mu tumodoka duto tudatwara Leta byinshi."

Perezida Magufuli avuga ko abayobozi b’igihugu babereyeho kugiteza imbere no kurushaho kukigira cyiza aho kugisahura no kugishakamo ubutunzi n’icyubahiro by’umurengera. Avuga ko ari nayo mpamvu yafashe icyemezo cyo kuzajya yitabira amanama macye abera hanze y’igihugu ndetse akagabanya n’izindi ngendo akoherezayo intumwa kuko zo zitagendaho akayabo nk’akagenda ku ruzinduko rwa Perezida.


Tanga Igitekerezo
Ibitekerezo 6
rubasha Kuya 22-08-2016

Ngewe mbona Presider wa Tanzania into a kora ari ukuri nibindi bihugu twaridukwiye kwigira kuri Magufuri nibwo Africa yatungana

DUCK Kuya 18-08-2016

Uyu niwe muyobozi africa ikeneye, ubukene butwugarije intera ibindi bihugu byateye byaduhaye mu iterambere , ntidushobora kugiraho aho tugera hadafashwe ibyemezo bihombya umutungo w’igihugu ahubwo umutungo ugashyirwa mu guteza imbere inganda, ubumenyi ngiro ighugu abene gihugu bakava mu bukene.

Samba Diallo Kuya 18-08-2016

Uraho neza Zigirumugabe. Aho ntabwo twemeranywa. Ni byo ziriya modoka za ba Gitifu barazishyura ariko umenye ko bazihabwa bakuriweho imisoro kandi bagakomeza no guhabwa amafaranga yo kuzitaho. Ibyo ndibwira ko wakabaye ubizi niba atari ukwirengagiza. Ahubwo byari bikwiye ko tugera ikirenge mu cya Magufuli.

Emmy Kuya 18-08-2016

Kugirango usimbuke neza usubira inyuma. ndahamya ko umutungo wasesagurwaga n’abayobozi bakuru Magufuri ari gushaka kugaruza uzubaka Tanzania ukagera ku mukene nawe agatera imbere. Ese ubundi uyobora ute utifuza kureshya n’uwo uyobora? That is the Africa we need for our future. ubutaha twifuza ko Abayobozi bajya bashyirwaho habanje kurebwa umutungo basanganywe aho kugira ngo bajye kuwusarura mu baturage.

kalisa Kuya 18-08-2016

Ariko se kuki abandi bayobozi bataratangira kwigira kuri Magufuri? Ubone na Gitifu ngo agomba kugenda muri V8? Aha!

olga Kuya 17-08-2016

Good Idea,ubwo ariwe ntangarugero nabandi bagomba kubyubahiriza,Africa ikeneye abayobozi nkawe.

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA