Perezida Museveni yagize umugore we Minisitiri

Chief Editor | 7-06-2016
Perezida Museveni yagize umugore we Minisitiri

Perezida wa Uganda, Yoweri Museveni, kuri uyu wa Mbere yashyizeho guverinoma nshya igizwe n’abaminisitiri 80, muri aba hakaba harimo n’umugore we Janet Jackson wagizwe Minisitiri w’uburezi.

Kuba Perezida Museveni yagize umugore we Minisitiri w’uburezi, ni ibintu byakomeje gucicikana cyane mu bitangazamakuru, abatavuga rumwe nawe bavuga ko ubu ari uburyo bwo gukomeza kwigwizaho imitungo.

Jannet Museveni yagizwe Minisitiri w’Uburezi mu gihugu cya Uganda, mu gihe n’umuhungu wabo aherutse kuzamurwa mu ntera mu gisirikare cya Uganda ndetse akaba ari nawe ukuriye ingabo zirinda Perezida ari nawe mubyeyi we.

Perezida Museveni w’imyaka 71 umaze imyaka 30 ayobora Uganda, yagiye ashinjwa kenshi n’abatavuga rumwe nawe kuba yigwizaho ubutunzi, agasahura igihugu kandi ntiyite kuri rubanda rugufi, ariko ntibyamubujije kongera gutorerwa kuyobora iki gihugu mu matora yabaye muri Gashyantare uyu mwaka.

KANDA HANO UREBE VIDEOS UTASANGA AHANDI