Perezida Museveni yasuye umuryango w’umunyarwanda wamurwanyeho mu ntambara

Chief Editor | 18-07-2016
Perezida Museveni yasuye umuryango w’umunyarwanda wamurwanyeho mu ntambara

Perezida Yoweri Museveni yasuye umuryango wa nyakwigendera Gregory Karuretwa, umunyarwanda wagize uruhare runini mu gufasha Perezida Museveni n’ingabo ze gutsinda urugamba rwatumye abasha kujya ku butegetsi amazeho imyaka 30.

Mu gihe ari mu Rwanda aho yaje mu nama y’abakuru b’ibihugu bya Afurika, Perezida Yoweri Museveni yafashe umwanya we aboneraho gusura ndetse anashimira cyane umuryango wa Karuretwa, waguye i Kigali afite imyaka 77 y’amavuko.

Karuretwa yahungiye muri Uganda ahagana mu 1960, aho yagiye agatura ahitwa Sembabule akaba umuhinzi mworozi n’umucuruzi ukomeye cyane. Mu gihe cy’intambara yo kubohora Uganda yari mu maboko y’umunyagitugu, Perezida Milton Obote, Karuretwa yahaye kenshi abarwanyi ba Museveni ibyo kurya, anamufasha kubona abarwanyi bashya bamufashije gukomeza inzira y’urugamba.

Gregory Karuretwa, yahawe umudari wiswe Nalubaale Medal watanzwe na Perezida Yoweri Museveni, kubera uruhare yagize mu iterambere n’impinduka za politiki ya Uganda, binyuze mu murava n’ubwitange budasanzwe byamuranze.

KANDA HANO UREBE VIDEOS UTASANGA AHANDI