Perezida w’u Bufaransa, Francois Hollande yavuze ko atewe isesemi n’ibya Donald Trump

Paola Abizera | 3-08-2016
Perezida w’u Bufaransa, Francois Hollande yavuze ko atewe isesemi n’ibya Donald Trump

Perezida w’u Bufaransa Francois Hollande yerekanye ko atishimiye imyitwarire ya Donald Trump ndetse avuga ko atewe isesemi n’uburyo arengera mu byo akora byose, aboneraho kongera gushimangira ko uyu mugabo adakwiye gutorerwa kuba Perezida wa Leta Zunze Ubumwe za Amerika.

Kuri uyu wa Kabiri, Perezida Francois Hollande yagiranye umuhuro n’abanyamakuru i Paris, maze mu kiganiro bagiranye aza kugaruka ku myitwarire ya Donald Trump wiyamamariza kuyobora Leta Zunze Ubumwe za Amerika.

Donald Trump aherutse gusagarira umuryango w’umusirikare w’umusilamu wapfiriye muri Irak mu mwaka wa 2004, uyu akaba yarabarizwaga mu ngabo za Amerika ariko yapfiriye ku rugamba ashaka gukiza bagenzi be, uburyo Donald Trump yitwaye kuri uwo muryango bikaba ari byo Perezida w’u Bufaransa yahereyeho avuga ko irengera rya Trump riteye isesemi.

Francois Hollande yakomeje avugako “abanyamerika nibatora Donald Trump bazagira ibibazo kuko amatora y’Abanyamerika ari amatora y’isi yose".

Mu mpera z’ukwezi kwa Gatandatu, nabwo Perezida Francois Hollande yatangaje ko Trump aramutse atsinze amatora bizaba ari akaga kuko adakwiye kuba Perezida wa Amerika kubw’’myitwarire ye mibi akomeje kugaragaza.

KANDA HANO UREBE VIDEOS UTASANGA AHANDI