Perezida wa Guinea, umuherwe Teodoro Obiang yagize umuhungu we Visi Perezida

Chief Editor | 23-06-2016
Perezida wa Guinea, umuherwe Teodoro Obiang yagize umuhungu we Visi Perezida

Perezida Teodoro Obiang Nguema w’igihugu cya Equatorial Guinea, kuri uyu wa Gatatu yagize umuhungu we Visi Perezida w’iki gihugu, ibintu bikomeje kuvugisha benshi mu gihugu, ku mugabane wa Afurika no hanze yacyo ku bwo gukomeza kwigwizaho ubukire n’ubutegetsi bwose.

Uyu muhungu we benda no kwitiranwa, yitwa Teodorin Nguema Obiang akaba afite imyaka 47 y’amavuko. Yamushinze kuyobora no gucunga ibijyanye n’igisirikare n’izindi nzego nkuru z’umutekano w’iki gihugu.

JPEG - 113.1 kb

Teodoro Obiang Nguema Mbasogo umaze imyaka 37 ayobora igihugu cya Equatorial Guinea akaba ari nawe umaze imyaka myinshi muri Afurika ari Perezida, yagiye ku butegetsi mu 1979 ahiritse se wabo Francisco Macias Nguema kuri kudeta (coup d’état). Uyu mukambwe w’imyaka 74 n’umuryango we bafite imitungo myinshi cyane, kuburyo abarirwa miliyoni 600 z’amadorali ya Leta Zunze Ubumwe za Amerika, ni ukuvuga akabakaba 470.000.000.000 uyabaze mu mafaranga y’u Rwanda.

Iki gihugu cye kibarirwa mu bihugu bya mbere bikize muri Afrika kubera peteroli gifite, ariko ntibibuza ko hari abaturage batari bacye babayeho mu bukene bukabije, bitewe no kwigwizaho imitungo ubwe n’umuryango we.

Uyu niwe muhungu we wagizwe Visi Perezida wa Equatorial Guia

Uyu muhungu we kandi, ashakishwa n’inkiko zo mu Bufaransa ngo akurikiranweho ibyaha byo gusesagura umutungo, ruswa no kwiba ibya rubanda, uku kumuzamura mu myanya yo hejuru mu yobozi bukaba ari uburyo bikekwa ko Se yakoresheje ngo amwongerere ubudahangarwa.

KANDA HANO UREBE VIDEOS UTASANGA AHANDI