AMAKURU

UKWEZI

Perezida wa Sudani y’epfo yemeza ko uwari umwungirije yashakaga kumurasa akamwica

Perezida wa Sudani y’epfo yemeza ko uwari umwungirije yashakaga kumurasa akamwica
7-08-2016 | By Rukundo Irené | Yasomwe n'abantu 2288 | Ibitekerezo 2

Mu kiganiro yagiranye na televisiyo ya KTN yo muri Kenya, Perezida Salva Kiir yatangaje ko mu nama yahuzaga aba minisitiri ku wa 8 Nyakanga2016 Machar wa visi Perezida yari yateguye kumurasa, mu gihe abashinzwe umutekano wa Machar barasanye n’abarinda Kiir bikaza kurangira abasirikare bagera kuri 270 bahasize ubuzima.

Kiir avugako Dr Machar yaje mu cyumba cyaberagamo inama yitwaje imbunda ntoya yo mu ntoki (pistol) ubwo inama yari igezemo hagati, aherekejwe n’ingabo ze zari mu modoka 20. Imirwano hagati y’izi mpande zombi yatangiye ubwo ingabo za Machar zarasaga umwe mu barinzi be.

Ubwo intambara yari ikomeje kugenda irushaho gukara, Peresida Kiir avuga ko bitaboroheye kuba bakomeza inama, ni uko afata Dr Machar na Visi peresida James Wani Igga aberekeza mu biro birimo imbere kubwo kurinda umutekano wabo.

Hashize amasaha make imirwano ikimara guhagarara nibwo batumijeho inama n’abanyamakuru kuko mbere y’uko imirwano iba hari abanyamakuru hafi aho bari baje muri iyo nama, nyuma yaho nibwo Kiir yafashe imodoka ayiha Machar kugirango imujyane mu rugo.

Peresida Salva Kiir avuga ko kandi kuva Machar yava muri Juba akagenda, yakomeje amusaba kuba yagaruka ariko akagaruka atizeye intsizi, ndetse akagaruka nk’umuturage usanzwe atagarutse nk’ uwungirije perezida.

Kiir yasoje avuga ko adatewe ubwoba no kuba yajyanwa mu rukiko mpuzamahanga mpanabyaha (ICC) ashinjwa ibyaha byo guhonyora uburenganzira bw’ikiremwamuntu kuva mu muri 2013 ngo kuko ari Dr Machar watangije intambara.


Tanga Igitekerezo
Ibitekerezo 2
mugabo emmy Kuya 8-08-2016

Africa irabura iki ngo tube umwe kondeba ubwacu aritwe tumaranye
ko dufite ubukungu ko twigaburira harabura iki ahaaa nibibazo
ariko suko bikwiye kugenda hakwiye gufatwa ingamba kubayobozi nkabo
batabona ubuzima bwabaturage burimo kuhangirikira barimo gutesha agaciro Africa muri rusange (njye kugiti cyanjye ndabyamaganye)

mugabo emmy Kuya 8-08-2016

Africa irabura iki ngo tube umwe kondeba ubwacu aritwe tumaranye
ko dufite ubukungu ko twigaburira harabura iki ahaaa nibibazo
ariko suko bikwiye kugenda hakwiye gufatwa ingamba kubayobozi nkabo
batabona ubuzima bwabaturage burimo kuhangirikira barimo gutesha agaciro Africa muri rusange (njye kugiti cyanjye ndabyamaganye)

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA