konka coffee
KONKA

AMAKURU

UKWEZI

Tanzania: Perezida Magufuli yirukanye Minisitiri wari inshuti ye amuziza gusinda

Tanzania: Perezida Magufuli yirukanye Minisitiri wari inshuti ye amuziza gusinda
21-05-2016 saa 13:51' | By Chief Editor | Yasomwe n'abantu 3210 | Ibitekerezo 1

Perezida w’igihugu cya Tanzania, John Pombe Joseph Magufuli, yirukanye Minisitiri w’ubutegetsi bw’igihugu mu gihugu cye witwa Charles Kitwanga, uyu akaba yirukanywe ku mirimo kubera ubusinzi.

Nk’uko bigaragara mu itangazo Perezida John Magufuli yashyize ahagaragara ubwo yirukanaga uyu muyobozi, avuga ko Charles Kitwanga yagiye mu Nteko Ishinga Amategeko y’igihugu cya Tanzania yasinze, ndetse ikirenze kuri ibyo akaba yaraje gusubiza umudepite wari umuhajije ikibazo ku bijyanye n’imirimo ye, bigahita byumvikana ko yasinze.

Mu gihe ntacyo Charles Kitwanga yari yabivugaho, BBC yo ivuga ko n’ubusanzwe hari abadepite batavuga rumwe na Leta bari bamaze ibyumweru basaba ko Kitwanga yegura kubera gukekwaho kuba hari ibintu byerekeranye n’imari afitemo inyungu bishobora kubangamira akazi ke nka Minisitiri.

JPEG - 34.8 kb

Charles Kitwanga wari usanzwe ari Minisitiri w’ubutegetsi bw’igihugu muri Tanzania

Abanyamakuru bo muri Tanzania ariko, baravuga ko abantu benshi batangajwe no kwirukanwa kwa Charles Kitwanga kubera ko bivugwa ko we na Perezida Magufuli bamaze igihe kirekire ari inshuti zikomeye.

Perezida John Magufuli wageze ku butegetsi mu mwaka ushize wa 2015, amaze kwirukana abayobozi benshi muri Leta ye abaziza ingeso zitandukanye zirimo n’ubusinzi.


Tanga Igitekerezo
Ibitekerezo 1
Emmanuel_niy Kuya 22-05-2016

Uyu niwe mu president ushoboye utagendera kubucuti imanimwongerimpano

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA