AMAKURU

UKWEZI

U Burundi bwamaganiye kure icyemezo cy’Umuryango w’Abibumbye

U Burundi bwamaganiye kure icyemezo cy’Umuryango w’Abibumbye
3-08-2016 | By Bikorimana Alexis | Yasomwe n'abantu 1664 | Ibitekerezo 2

Leta y’u Burundi yamaganye bikomeye Umuryango w’Abibumbye ku cyemezo cyawo cyo kohereza ingabo kubungabuna umutekano muri icyo gihugu.

Mu cyumweru gishize nibwo u Bufaransa bwari bwatanze icyifuzo cyo kohereza ingabo mu Burundi nyuma y’uko iki gihugu gikomeje kugaragaramo urugomo n’ubwicanyi bwa hato na hato.

Iki cyemezo cyo kohereza ingabo mu Burundi cyari cyemejwe nyuma y’uko u Bufaransa bugaragarije akanama gashinzwe umutekano mu Muryango w’Abibumbye ko batagomba kurebera iyicarubozo rikomeje gukorerwa ikiremwamuntu muri iki gihugu.

U Burundi bwavuze ko nta mpamvu n’imwe ihari yo gutuma Umuryango w’Abibumbye wohereza ingabo muri iki gihugu kandi Abarundi ubwabo bafite igisirikare gifite imbaraga ndetse n’ubushobozi bwo kwicungira umutekano.

Kuva Perezida w’u Burundi yakemeza ko aziyamamariza kuyobora manda ya gatatu(3) mu kwezi kwa Werurwe umwaka ushize wa 2015, abantu barenga 400 bamaze kwicwa naho abasaga 250.000 bahunze ingo zabo nyuma yo kugaragaza ko batemeranya n’icyo cyemezo cyo kuyobora u Burundi kwa Perezida Nkurunziza dore ko manda ye ya gatatu inyuranyije n’ibyo Itegeko Nshinga ry’icyo gihugu giteganya ku mukuru w’igihugu.


Tanga Igitekerezo
Ibitekerezo 2
nyilibambe jocelyne Kuya 3-08-2016

Bagomba kujyayo,gusa ntibazarebere,nkuko byabaye mu Rwanda 1994.

uwingabire protegene Kuya 3-08-2016

impa mvu arikwa nga inga bo mpuza mahanga nukugirango akomeze yice abantu kubera gusha ka kuyo boza igitugu

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA