konka coffee
KONKA

AMAKURU

UKWEZI

Uganda: Umuyobozi wa Polisi yasuzuguye urukiko, abaturage barigaragambya

Uganda: Umuyobozi wa Polisi yasuzuguye urukiko,  abaturage barigaragambya
11-08-2016 saa 07:10' | By Bikorimana Alexis | Yasomwe n'abantu 1883 | Ibitekerezo

Umuyobozi mukuru w’igipolisi cya Uganda, IGP Gen Kale Kayihura yanze kwitaba urukiko bituma igipolisi cyo muri Uganda kirirwa imbere y’urukiko kigeragezaga guhosha imyigaragambyo y’abaturage binubiraga ihohoterwa igipolisi cyakoreye abaturage bashyigikiye Dr Kizza Besigye mu kwezi gushize.

Uretse abatavuga rumwe na Leta, hari n’abaturage amagana bari bitabiriye imyigaragambyo bakoreye ku nyubako ibarizwamo urukiko iherereye mu murwa mukuru wa Kampala aho bari bitwaje ibyapa bishyigikiye General Kale Kayihura.

Aba baturage bari mu myigaragambyo, bashakaga kwerekana ko bashyigikiye Leta iriho ndetse banatera ubwoba itsinda ry’abantu bari ku ruhande rw’abatavuga rumwe n’ubutegetsi bwa Museveni bajyanye ikirego mu rukiko.

Nk’uko BBC dukesha iyi nkuru ibivuga, abapolisi barindwi nibo bagombaga kwitaba urukiko hamwe na General Kale Kayihura ariko ntibigeze bitaba kandi ntibigeze bohereza n’ababunganira mu mategeko.

Aba bajyanye ikirego mu rukiko barashinja igipolisi cya Uganda kuba cyarahutaje kandi kigahohotera bikomeye abari bashyigikiye Kizza Besigye wabaye umukandida mu matora y’umukuru w’igihugu yabaye mu ntangiriro z’uyu mwaka, Museveni batavuga rumwe akaba yarayatsinze ariko Besigye ntiyemere ibyayavuyemo.


Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA