konka coffee
KONKA

AMAKURU

UKWEZI

Umudepite wananiwe gusubiza ibibazo byo mu mwaka wa 3 w’amashuri abanza yirukanwe

Umudepite wananiwe gusubiza ibibazo byo mu mwaka wa 3 w’amashuri abanza yirukanwe
29-07-2016 saa 11:31' | By Chief Editor | Yasomwe n'abantu 9970 | Ibitekerezo 4

Urukiko rukuru rwa Masaka muri Uganda, kuri uyu wa Gatanu rwatesheje agaciro itorwa ry’Umudepite wari uhagarariye akarere ka Lwengo, Madamu Cissy Namujju Dionizia nyuma y’uko bigaragaye ko nta mashuri n’ubumenyi bibimuhera ububasha afite. Uyu aherutse kunanirwa gusubiza ibibazo bigenewe umwana wo mu mwaka wa 3 w’amashuri abanza.

Umucamanza Justice Margaret Tibulya yavuze ko Cissy Namujju Dionizia nta mashuri afite amwemerera kuba umwe mu bagize Inteko Ishinga Amategeko, nk’uko byagaragajwe n’ibimenyetso byatanzwe n’umutangabuhamya kandi nawe ubwe akagaragara nk’udashoboye kuko yananiwe no gusubiza ibibazo bikwiye kuba bizwi n’umwana wo mu mwaka wa gatatu w’amashuri abanza.

Martin Sserwanga, umuturage wo mu mujyi wa Kampala, niwe wajyanye Cissy Namujju Dionizia mu rukiko amushinja kuba adafite amashuri amwemerera kujya mu Nteko Ishinga Amategeko ya Uganda.

Uyu mugore yirukanwe ku mwanya w’ubudepite azira kuba adafite ubumenyi bubimwemerera

Uyu Martin Sserwanga avuga ko Namujju yakoze ikizamini gisoza amashuri abanza ku kigo cyitwa Kyazanga kiri mu karere ka Lwengo, agatsindwa ariko akajya mu mashuri yisumbuye mu buryo bw’amanyanga. Uyu mugore ariko we avuga ko yakoze icyo kizamini mu 1996 kandi akaba yarakomeje akabona n’impamyabumenyi ye mu bijyanye n’ikoranabuhanga mu bya mudasobwa yakuye mu mujyi wa Kampala.

Mu gihe yaburanaga ariko, Cissy Namujju Dionizia yatunguye abantu ubwo yabazwaga mu rukiko ibibazo by’ubumenyi rusange biri ku rwego rw’umunyeshuri wiga mu mashuri abanza bikamunanira. Hari tariki 16 Kamena 2016, ubwo umunyamategeko Asuman Basaalirwa yasabaga uyu mudepite gusubiza ibibazo birimo icyo gutanga inshoza (definition) y’ikarita (map), gusobanura inzira y’ibangurirantanga ry’ibimera (Pollination), kuvuga ibiranga udusimba tw’inigwahabiri (insect), gusobanura itandukaniro riri hagati y’izina n’inshinga (noun & verb) n’ibindi nk’ibyo.

Imbere y’inteko y’abacamanza, Cissy Namujju Dionizia yananiwe gusubiza ikibazo na kimwe mu byo yabazwaga, biba ikimenyetso umutangabuhamya Martin Sserwanga yahereyeho ashimangira ko uyu mugore adafite amashuri n’ubumenyi bumwemerera kuba umudepite.

Nyuma y’uru rubanza rwabaye kuri uyu wa Gatanu, urukiko rwategetse Komisiyo y’amatora guhita ikoresha andi matora hagashakwa usimbura uyu mugore wari uhagarariye akarere ke mu Nteko Ishinga Amategeko y’igihugu cya Uganda.


Tanga Igitekerezo
Ibitekerezo 4
IRYAYO Leon Pierre Kuya 8-08-2016

ibi bibazo nundi muhanga uwariwe wese , ubi mubarije murukiko ,bishobora kumunanira da ndabona ari ntagitangaza kirimo?/

simple Kuya 29-07-2016

Hahaha ibyo bibazo ubinsubize nanjye byananiye was! Uwo yarenganye kbs

Njye Kuya 29-07-2016

ibi bibazo si iby’umwana wo muri primaire Theo!

Emmanuel-N Kuya 29-07-2016

uwonguwo ntanubwo yarakwiye no kujya murukiko gutesha abantu umutwe ariko binateyisoni kabisa yanasebeje uganda muri rusange ariko bagakwiye gufunga nikigo yigiye ho amashuri abanza

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA