Umugore wa Donald Trump yarengeye umugabo we uvugwaho gukorakora abagore b’abandi

Rukundo Irené | 18-10-2016
Umugore wa Donald Trump yarengeye umugabo we uvugwaho gukorakora abagore b’abandi

Hashize iminsi micye hagaragajwe amafoto yafashwe mu mwaka wa 2005 agaragaza Donald Trump uhatanira umwanya wo kuyobora Leta Zunze Ubumwe za Amerika akorakora abagore b’abandi aho bagendaga bahurira nawe mu bice bitandukanye ndetse bamwe bakaba baritangiye ubuhamya ko yagerageje kubafata ku ngufu yitwaje ko ari umuntu ukomeye. Kugeza ubu ariko, umugore we Melania Trump avuga ko ibyo aregwa byose ari ibinyoma gusa.

Mu minsi 10 ishize ubwo ayo mashusho (Video) yashyirwaga mu ruhame bwa mbere, agaragaza imyifatire itarashimishije abakorana na Donald Trump mu ishyaka ry’abarepubulika ndetse n’abaturage ba Amerika, umugore wa Trump yamubwiye ko amagambo yavuze ku bagore atari meza kandi ko atamuhesha icyubahiro ndetse yaratunguwe ku buryo byamugoye kumva ko umugabo we asanzwe azi babanye igihe kinini yaba yarigeze avuga ko yifuza kuryamana n’abandi bagore. Yagize ati: ” Nabwiye umugabo wanjye ko ibyo yavuze bitamuhesha icyubahiro kandi byarantunguye kumva ko yabivuze bintera kwibaza niba ari we mugabo nsanzwe nzi biranyobera.”

Inkuru dukesha BBC ivuga ko Melania Trump yisubiyeho akavuga ko umugabo we yabeshyewe. Ibi byabaye kuri uyu wa mbere ubwo yagiranaga ikiganiro na CCN, maze yivugira ko abagore bose bavuze ko Trump yagerageje kubasoma no kubafata ku ngufu bose ari ibyo bahimbye kandi avuga ko umugabo we yubaha abagore.

Yagize ati: "Ndabizi umugabo wanjye yubaha abagore, we arirengera kubera ko ibyavuzwe byose ari ibinyoma. Ndamwizera umugabo wanjye ntabwo yakwifuza kuryamana n’abandi bagore.”

Yakomeje avuga ko ubusanzwe abagore ari bo bagenda bikurura ku mugabo we bamwe bamusaba nimero za telephone maze akazibima kandi ngo ibyabaye byose byateguwe na Hillary Clinton kugirango arebe ko Donald Trump yatsindwa amatora.

KANDA HANO UREBE VIDEOS UTASANGA AHANDI