Umunyamakuru w’umunyarwanda yafatiwe mu Burundi arafungwa

Chief Editor | 19-08-2016
Umunyamakuru w’umunyarwanda yafatiwe mu Burundi arafungwa

Gisa Steve, umunyamakuru w’umunyarwanda wakoreraga i Bujumbura mu Burundi, yatawe muri yombi n’inzego z’igipolisi cy’u Burundi ku mugoroba wo kuri uyu wa Kane tariki 18 Kanama 2016, abaharanira uburenganzira bwa muntu bakaba batinya ko ashobora gutotezwa no gukorerwa iyicarubozo.

Gisa Steve, ni umunyamakuru wakoreye ibitangazamakuru byo mu Rwanda nka Radio Flash FM na Radio Salus, ubu akaba yakoreraga Radio Buja FM yo mu mujyi wa Bujumbura mu Burundi.

Ni umusore w’umunyarwanda wanarangije muri Kaminuza y’u Rwanda i Huye, ariko bikaba bivugwa ko yari afite umuryango no mu gihugu cy’u Burundi, naho akaba yakundaga kuhaba cyane na mbere y’uko atangira gukorera Radio Buja FM. Hari bamwe mu bamuzi baganiriye n’ikinyamakuru Ukwezi.com bavuga ko nyina yaba ari umurundikazi naho se akaba umunyarwanda.

Pacifique Nininahazwe, umwe mu mpirimbanyi z’uburenganzira bw’ikiremwamuntu mu Burundi, abinyujije ku rubuga rwa twitter yatangaje ko Gisa Steve yafatiwe mu kabari kitwa Tam Tam gaherereye mu gace ka Kajaga muri iki gihugu cy’u Burundi. Polisi y’u Burundi nayo yahamije iby’aya makuru mu masaha y’umugoroba binyuze kuri Pierre Nkurikiye ushinzwe itangazamakuru.

KANDA HANO UREBE VIDEOS UTASANGA AHANDI