Umusonga wibasiye Hillary Clinton, ibikorwa byo kwiyamamaza arabisubika

Chief Editor | 12-09-2016
Umusonga wibasiye Hillary Clinton, ibikorwa byo kwiyamamaza arabisubika

Hillary Clinton uri mu bahatanira kuyobora Leta Zunze Ubumwe za Amerika, yasubitse ibikorwa byo kwiyamamaza yagombaga gukorera muri California kuri uyu wa Mbere no kuwa Kabiri, bitewe n’ikibazo cy’umusonga nk’uko byemejwe n’itsinda ry’abamufasha mu bikorwa bye byo kwiyamamaza.

Umuvugizi we, Nick Merrill, yavuze ko Hillary Clinton yatangiye kumva atameze neza kuri iki cyumweru tariki 11 Nzeri 2016 ubwo muri Leta Zunze Ubumwe bibukaga ibitero by’ubwiyahuzi bwabaye ku itariki nk’iyi muri 2001 bigahitana benshi.

Umuganga we Dr Lisa Bardack, yavuze ko Hillary Clinton bamusanganye umusonga, gusa ibi uwo bahanganye Donald Trump we akaba yabihereyeho avuga ko uburwayi bw’uyu mugore w’imyaka 68 bukwiye gutuma atemererwa kuyobora Leta Zunze Ubumwe za Amerika.

Umuganga wa Hillary Clinton ariko yatanze icyizere ko ubuzima bw’uyu munyapolitiki buzamera neza vuba, gusa akaba yamusabye kuruhuka bihagije no guhindura uburyo yajyaga akora akagabanya inshingano zirushaho kumunaniza.

KANDA HANO UREBE VIDEOS UTASANGA AHANDI