Umuyobozi muri Amerika ari mu mazi abira azira kwandagaza Obama amwita inkende

Chief Editor | 30-09-2016
Umuyobozi muri Amerika ari mu mazi abira azira kwandagaza Obama amwita inkende

Meya wa Pennsylvania muri Leta Zunze Ubumwe za Amerika, ari mu mazi abira azira gutuka abayobozi bakuru b’iki gihugu barimo n’abo mu muryango wa Perezida Barack Obama bose, aba bo akaba yarabibasiye akabakorera ivanguraruhu abita inkende.

Uyu muyobozi witwa Charles Wasko, aherutse gushyira ku rubuga rwa Facebook amafoto yakoresheje yibasira abayobozi bakuru b’igihugu cye, barimo umuryango wa Perezida Barack Obama. Ubu arimo kotswa igitutu ngo yegure ku buyobozi azira iki gikorwa yakoze.

JPEG - 568.1 kb

Umuryango wa Obama wiswe umuryango w’inkende

Uyu Meya Charles Wasko, yashyize ku rubuga rwa facebook ifoto y’inkende, yandikaho ko ari ifoto ya Michelle Obama, umufasha wa Perezida Barack Obama, avuga ko inkende zigiye kuva mu biro bya Perezida wa Amerika bizwi nka White House, bivuga ko abo yise inkende ari umuryango wa Obama wose, aho yavugaga ko hagiye gutorwa Perezida mushya bakava muri ibi biro.

Uyu mugabo ariko ntaregwa kwibasira umuryango wa Obama gusa, kuko yanavuze ko Hillary Clinton afatanyije na Perezida Obama ari bo bayobora umutwe w’intagondwa zo mu mutwe wa kisilamu.

CNN dukesha iyi nkuru yagerageje kuvugana na Meya Charles Wasko kuri uyu wa Kane tariki 29 Nzeri 2016 ariko ntibyabakundira, hakaba hibazwa ikizakurikiraho mu gihe hari abaturage bakamejeje bashaka ko yeguzwa nta mananiza.

KANDA HANO UREBE VIDEOS UTASANGA AHANDI