Uwashinjwaga kujyana intwaro i Burundi azikuye mu Rwanda yatorotse gereza

Chief Editor | 9-08-2016
Uwashinjwaga kujyana intwaro i Burundi azikuye mu Rwanda yatorotse gereza

Umugabo wari ufungiye muri gereza ya Mpimba mu gihugu cy’u Burundi ashinjwa kujyana intwaro muri iki gihugu azikuye mu Rwanda, yatorotse gereza ubwo yasohokaga agiye kwivuza, bituma abayobozi ba gereza bahita batabwa muri yombi.

Gregoire NIMPAGARITSE, umuyobozi wa gereza nkuru ya Mpimba hamwe n’uwari umwungirije Sandrine KANYAMUNEZA batawe muri yompi bazira kuba umunyururu wari ufungiye muri iyi gereza yatorotse ubwo yari yatse uruhushya rwo kwivuza.

Uyu munyururu watorotse, yari yatawe muri yombi azira kwinjiza intwaro mu Burundi azikuye mu Rwanda, bikaba bivugwa ko yatorotse kuwa Gatanu tariki 5 Kanama ariko abayobozi ba gereza bakaba batawe muri yombi kuri uyu wa Kabiri ari nabwo iby’itoroka ry’uyu munyururu byatangiye kuvugwa mu binyamakuru by’i Burundi.

Aba bayobozi ba gereza bafunganywe n’umuganda wa gereza ya Mpimba witwa Angleberthe VYAMUNGU, bose bakaba bafungiwe ku biro by’iperereza mu mujyi wa Bujumbura.

KANDA HANO UREBE VIDEOS UTASANGA AHANDI