Aba Mai Mai bo muri Kongo bishe abo bita abahutu bakomoka mu Rwanda

Chief Editor | 20-07-2016
Aba Mai Mai bo muri Kongo bishe abo bita abahutu bakomoka mu Rwanda

Abakongomani bo mu bwoko bw’aba Mai Mai bishe abantu umunani bita abo mu bwoko bw’abahutu n’abandandi i Kibirizi mu burasirazuba bwa Repubulika Iharanira Demokarasi ya Kongo.

Abahutu bishwe ni bane, abandandi na bo ni bane. Jean Bosco Sebishimbo, umwe mu bagize Inteko Ishinga amategeko watyorewe muri ako karere, avuga ko ubwo bwicanyi bwabaye mu ijoro ryo kuwa Mbere rishyira Kuwa Kabiri.

Abo ba Mai Mai ngo baza bavuga ko abahutu bagomba gusubira mu gihugu cy’u Rwanda nk’uko BBC dukesha iyi nkuru ibishimangira.

Akarere ka Kibirizi kari kure y’ibirindiro by’abashinzwe umutekano, zaba ingabo za Congo cyangwa iz’umuryango w’Abibumbye zizwi nka Monusco.

Ingabo za Leta n’iza Monusco bageze muri aka gace, abaturage bari bahungiye mu mashyamba bahise batangira gutahuka.

KANDA HANO UREBE VIDEOS UTASANGA AHANDI