konka coffee
KONKA

AMAKURU

UKWEZI

Abantu bakomeje gupfa muri Sudani y’Epfo, abasirikare b’u Rwanda bari mu bibasiwe

Abantu bakomeje gupfa muri Sudani y’Epfo, abasirikare b’u Rwanda bari mu bibasiwe
11-07-2016 saa 09:06' | By Chief Editor | Yasomwe n'abantu 7957 | Ibitekerezo 4

Akanama k’umuryango w’abibumbye gashinzwe umutekano katangaje ko abasirikare babungabunga amahoro muri Sudani y’Epfo barimo abashinwa n’abanyarwanda bishwe abandi bagakomerekera mu bitero byagabwe mu murwa mukuru Juba, nyuma y’uko imirwayo yubuye muri iki gihugu igahitana abasivile benshi.

Kugeza ubu umubare nyawo w’abishwe n’abakomeretse nturamenyekana, ariko imibare y’abishwe bose biganjemo abasivili, irabarirwa mu bantu 300. Televiziyo ya CCTV y’abashinwa, ntivuga umubare w’abasirikare b’abanyarwanda bishwe n’abakomeretse, ariko ivuga ko mu bibasiwe harimo abashinwa n’abanyarwanda, bamwe bakaba bishwe abandi bagakomereka.

Akanama k’umuryango w’abibumbye gashinzwe umutekano, kasabye Perezida Salva Kiir na Visi Perezida wa mbere Riek Machar gukora ibishoboka byose buri ruhande rukabuza ingabo zarwo gukomeza imirwano.

Iyi mirwano yo mu mujyi wa Juba yatangiye kuwa Kane tariki 7 Nyakanga 2016 hagati y’ingabo ziri ku ruhande rwa Perezida n’izishyigikiye Visi Perezida, kugeza kuri iki cyumweru yari imaze kugwamo abantu 271 ariko ubu biravugwa ko abapfuye barenga 300.

Sudani y’Epfo yabonye ubwigenge tariki 9 Nyakanga 2011 nyuma yo kwiyomora ku gihugu nyirizina cya Sudan. Ubu bwigenge, bwabonetse nyuma y’imyaka irenga 20 hari intambara ikaze.

Mu kwezi k’Ukuboza 2013, Perezida Salva Kiir yashinje Visi Perezida we Riek Machar gushaka kumuhirika ku butegetsi, undi arabihakana maze intambara irarota ubwicanyi bwibasira abaturage. Muri Kanama 2015, basinye amasezerano y’amahoro, bemeranywa gushyiraho guverinoma yunze ubumwe y’inzibacyuho.


Tanga Igitekerezo
Ibitekerezo 4
pfedro Kuya 11-07-2016

Nubwo wahaba ntiwazana inshamugongo tonto waba ubaye nka Ba batasi

pfedro Kuya 11-07-2016

Nubwo wahaba ntiwazana inshamugongo tonto waba ubaye nka Ba batasi

Gatera Kuya 11-07-2016

ariko abanyafrica reka isi yose itwange bafite ishingiro,ubwo uwo mugabo arabona atarimo gusiga isura mbi abanyafrica nubwo ntayo twari dusanganywe.abazungu barimo kutwicira iwabo natwe ubwacu tukamarana. tuzashira abasigaye bake maze babashire muri museum zi burayi kera bajye bavuga ngo habayeho abantu ba saga ibikara bari batuye ku mugabane wa africa ubu usigaye witwa……. abo bantu ntabwenge bagiraga ,kuko aribo baje kwicana bakamarana ubwabo, dore abake basigaye naba, maze abazungu bapfotore nkabapfora ibisimba

sisi Kuya 11-07-2016

nta musirikare wurwanda wabiguyemo niyo makuru nabaha kuko niho ndi mujye mutanga inkuru mufitiye gihamya

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA