Ghana: Abantu 9 bapfiriye mu birori byo kwizihiza ibirori by’Irayidi

Chief Editor | 7-07-2016
Ghana: Abantu 9 bapfiriye mu birori byo kwizihiza ibirori by’Irayidi

Itangazamakuru ryo muri Ghana riravuga ko abantu icyenda bapfiriye i Kumasi, umujyi wa kabiri munini wa Ghana, nyuma y’umubyigano watewe no kwizihiza umunsi mukuru wo gusoza ukwezi kwa Ramadan.

Radiyo Joy FM ivuga ko abakomeretse bajyanwe mu bitaro biri hafi y’ahabereye impanuka naho undi muntu umwe kugeza n’ubu ararembye cyane.

Haracyari urujijo ku makuru y’impamvu nyayo yateye uyu mubyigano ku wa Gatatu nk’uko BBC ibivuga. Umwe mu batangabuhamya avuga ko amashanyarazi yacitse agatuma abantu bahungabana abandi bakabyigana bashaka guhunga.

Undi yavuze ko amatara yagiye mu mpera z’ibirori ariko ko abantu batashoboye kugenda kubera ko inzugi z’ahaberaga umunsi mukuru zari zifunze. Abayisilamu ku isi bizihije umunri mukuru wa Eid al-Fitr ku wa Gatatu, nyuma y’ukwezi kw’igisibo cya Ramadan.

KANDA HANO UREBE VIDEOS UTASANGA AHANDI