Hagaragajwe imibare iteye ubwoba y’abishwe n’abanyerejwe mu Burundi mu kwezi gushize

Chief Editor | 4-09-2016
Hagaragajwe imibare iteye ubwoba y’abishwe n’abanyerejwe mu Burundi mu kwezi gushize

Nk’uko bigaragazwa n’icyegeranyo cyakozwe n’ishyirahamwe LIGUE ITEKA kigaragaza ikibazo cy’ihohoterwa ry’uburenganzira bwa muntu mu Burundi, mu kwezi gushize kwa Kanama hagaragaye umubare munini w’abantu bafunzwe mu buryo bunyuranyije n’amategeko, bamwe baricwa abandi baburirwa irengero.

Muri uko kwezi kumwe, abantu bagera kuri 541 nibo bafunzwe mu buryo budakurikije amategeko, abagera kuri 52 baricwa naho 31 barakomereka, abandi bagera kuri 28 bo bahohotewe mu bundi buryo naho 28 bo baburiwe irengero.

Muri iki cyegeranyo kigaragaza ubugizi bwa nabi bwabaye mu kwezi kwa munani, ishyirahamwe riharanira uburenganzira bwa muntu, LIGUE ITEKA ritangaza ko hari n’imirambo yatoraguwemu nzuzi ntihamenyekane imyirondoro y’abishwe, iyo nayo ikaba irenga 20. Bamwe mu bayobozi bashinjwa kuba barahise bihutira kuyishyingura hataratahurwa ba nyirayo.

LIGUE ITEKA ishinja abashinzwe umutekano mu Burundi barimo abapolisi n’inzego zishinzwe iperereza, kuba bari inyuma y’iri hohoterwa n’ihonyorwa ry’uburenganzira bw’ikiremwamuntu mu Burundi.

KANDA HANO UREBE VIDEOS UTASANGA AHANDI