Iby’igitero cyahitanye abantu mu Budage biracyari amayobera

Chief Editor | 23-07-2016
Iby’igitero cyahitanye abantu mu Budage biracyari amayobera

Ku mugoroba wo kuri uyu wa Gatanu tariki 22 Nyakanga 2016, habaye igitero cyagabwe ku nyubako irimo amaduka menshi mu mujyi wa Munich mu gihugu cy’u Budage, bikaba bivugwa ko abantu bari hagati y’10 na 15 bahasize ubuzima abandi benshi bagakomereka.

Polisi y’u Budage iratangaza ko bishoboka ko icyo gitero cyarimo umuntu urenze umwe, ariko kandi mu bo cyahitanye hakaba harimo umusore w’imyaka 18 ufite ubwenegihugu bwa Iran n’u Budage, uyu akaba ari mu bakigabye ariko bigakekwa ko hari abandi bari kumwe.

Polisi y’iki gihugu yahise igota agace ka Moosach kabereyemo iki gitero, ndetse n’ingendo zakorerwaga muri uyu mujyi byabereyemo ziba zihagaritswe by’agateganyo mu gihe hagikorwa iperereza ryimbitse.

N’ubwo nta mugambi uratahurwa wari ufitwe n’abagabye iki gitero, mu Budage bari bamaze igihe bikanga igikorwa cy’iterabwoba, kuko kuwa Mbere w’iki Cyumweru hari umugabo wari ufite ibendera ry’umutwe w’intagondwa za kisilamu wagabye igitero ku bantu muri gari ya moshi mu mujyi wa Bavaria akoresheje icyuma n’ishoka.

KANDA HANO UREBE VIDEOS UTASANGA AHANDI