Igitero cy’iterabwoba cyahitanye benshi muri Istanbul abandi barakomereka

Chief Editor | 29-06-2016
Igitero cy’iterabwoba cyahitanye benshi muri Istanbul abandi barakomereka

Abantu 50 bapfuye naho abagera ku 147 barakomereka, mu gitero cy’iterabwoba cyabereye ku kibuga cy’indege cya Ataturk mu mujyi wa Istanbul mu gihugu cya Turkey, mu masaha y’umugoroba wo kuri uyu wa Kabiri.

Nk’uko CNN ibivuga, intagondwa eshatu zo mu mutwe w’iterabwoba zitwaje intwaro zirimo amabombe n’imbunda, zibasiye abagenzi bari ku kibuga cy’indege cyo mu mujyi wa Istanbul zibamishamo amasasu. Minisitiri w’intebe wa Turikiya, Binali Yildirim, yavuze ko iki gitero cy’iterabwoba nta mutwe urakigamba.

Perezida wa Turikiya, Recep Tayyip Erdogan yasabye abayobozi n’inzego z’umutekano mu bihugu byose ko bafatanya kurwanya iterabwoba. Ati: "Mwitonde mudakora ikosa, ku mitwe y’iterabwoba, nta tandukaniro riri hagati ya Istanbul na London, Ankara na Berlin, Izmir na Chicago cyangwa Antalya na Rome. Niba ibihugu byose bidashyize hamwe mu kurwanya iterabwoba, n’ibirenze ibi dutinya bizabaho."

Abagabye iki gitero cy’iterabwoba bamara kwica abantu bagahita nabo birasa, birakekwa ko ari abiyahuzi bo mu ntagondwa z’umutwe wa kisilamu uzwi nka ISIS nk’uko na Minisitiri wa Turikiya yabitangaje.

KANDA HANO UREBE VIDEOS UTASANGA AHANDI