Indege yavaga i Burayi iza muri Afurika yaburiwe irengero irimo abantu 66

Chief Editor | 19-05-2016
Indege yavaga i Burayi iza muri Afurika yaburiwe irengero irimo abantu 66

Indege yo mu gihugu cya Misiri yavaga mu mujyi wa Paris mu Bufaransa yerekeza i Cairo mu Misiri, yaburiwe irengero mu ijoro ryakeye, bikaba bikekwa ko yaguye mu nyanja abantu 66 bari barimo bose bagapfa.

Iyi ndege yo mu bwoko bwa MS804, yahagurutse ku kibuga cy’indege cya Charles de Gaulle i Paris saa tanu n’iminota 9 zo mu ijoro ryo kuri uyu wa Gatatu yerekeza mu Misiri irimo abantu 66, hanyuma mu rukerera ahagana ku isaba ya saa munani n’iminota 45 iza kuburirwa irengero, bikaba bikekwa ko yaguye mu nyanja.

Iyi ndege yari irimo abagenzi 56, abapilote n’ababungirije 7 ndetse n’abashinzwe umutekano batatu, yari itwawe n’umupilote w’inzobere umaze gutwara indege amasaha asaga 6275, iyi ndege yakozwe mu 2003 nayo ikaba itaritwaye abagenzi benshi kuko ubusanzwe ifite ubushobozi bwo gutwara abantu 220, bityo bikaba bigaragara ko nta kibazo cya tekiniki byari byitezwe ko cyabaho.

Abayobozi b’igihugu cya Misiri ndetse n’ikigo cy’igihugu gishinzwe iby’indege za gisivili, bavuga ko icyo bakeka cyaba cyabaye kuri iyi ndege, ari uko yaba yaguye mu nyanja.

KANDA HANO UREBE VIDEOS UTASANGA AHANDI