konka coffee
KONKA

AMAKURU

UKWEZI

Inyeshyamba zo muri Siriya zateye abaturage ibyishimo bidasanzwe

Inyeshyamba zo muri Siriya zateye abaturage ibyishimo bidasanzwe
7-08-2016 saa 14:36' | By Bikorimana Alexis | Yasomwe n'abantu 1468 | Ibitekerezo

Imitwe y’inyeshyamba mu gihugu cya Siriya, iravuga ko yatsinze imirwano ikomeye yari ihanganiyemo n’ingabo za Guverinoma yari imaze ibyumweru, maze ingabo za Leta zigahunga, umujyi wa Aleppo ugasigaranwa n’inyeshyamba.

Ubu ingabo za Guverinoma ndetse n’abakoranira hafi nazo baratangaza ko inyeshyamba zitigeze zibatsinda, dore ko bemeza ko barwanye nazo ubwo bazihatiraga gusubira inyuma.

Iyi mitwe y’inyeshyamba yo ubwayo ntiyakishoboza ingabo za Leta ya Syria, ahubwo zifatanya n’abandi barwanyi baba mu mujyi wa Aleppo nk’uko abahagarariye uburenganzira bw’ikiremwamuntu mu Bwongereza babitangaza.

Nkuko BBC dukesha iyi nkuru ikomeza ibitangaza, izi nyeshyamba ndetse n’indi mitwe yitwaje intwaro ishamikiye kuri Al-Qaeda ngo ntiborohewe no kubona inzira ubwo bahanganaga n’ingabo za Leta.

Zimwe mu mpamvu zikomeye zatumye abaturage bagera ku 250.000 bishimira gutsinda kw’inyeshyamba ni uko mu kwezi gushize kwa Nyakanga, ingabo zifunze imitungo yose y’abaturage batuye muri uyu mujyi wa Aleppo.

Uyobora umuryango uharanira uburenganzira bwa kiremwamuntu ukorera mu Bwongereza, Rami Abdel Rahman yavuze ko n’ubwo inyeshyamba zashoboye gutsinda iza Guverinoma, inzira ikiri ndende yo kuba bagera ku ntego biyemeje kuko igabo za Leta nazo isaha n’isaha zahindura ibintu.

Gusa hagati aho, n’ubwo inyeshyamba zafashe umujyi wa Aleppo, Umutwe w’aba Kurde ushyigikiwe na Leta Zunze Ubumwe za Amerika ndetse n’abarwanyi b’Abarabu ngo nabo bafashe igice kinini cya Manbij, umujyi ukomeye wa Siriya, bawukuye mu maboko y’Umutwe ugendera ku mahame ya k’Islam.


Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA