Liban: Abagore b’abakirisitu bariye karungu bishyira hamwe begura imbunda - Amafoto

Chief Editor | 29-06-2016
Liban: Abagore b’abakirisitu bariye karungu bishyira hamwe begura imbunda - Amafoto

Abagore b’abakirisitu mu bo mu gihugu cya Liban, bariye karungu begura imbunda ngo bajye bicungira umutekano, nyuma y’uko agace kitwa Qaa kibasiwe n’intagondwa za kisilamu zishaka gukora ibitero ku bakirisitu.

Aka gace ka Qaa gaherereye mu birometero bisaga ijana uvuye ku mupaka w’igihugu cya Syria, kagabweho igitero cy’ubwiyahuzi kuwa Mbere w’iki Cyumweru. Ni agace gatuwe n’abakirisitu benshi muri iki gihugu cya Liban.

Iki gitero cyahitanye abantu 5 abandi bagakomereka, cyatumye abagore b’abakirisitu babangamiwe n’ibi bikorwa bibibasira, barya karungu biyemeza gufata imbunda bakajya bacunga umutekano ngo bahangane n’izi ntagondwa.

Abari bagabye igitero kuwa Mbere, baniturikirijeho ibisasu bikomeretsa abarenga 13 kuri uyu wa Kabiri, hafi y’urusengero rwari rurimo gukorerwamo imihango yo gusezera ku bishwe kuwa Mbere, ibi bikaba byarushijeho kurakaza aba bakirisitu ndetse biyemeza kwishyira hamwe ngo bicungire umutekano cyane ko bavuga ko ari bo banyantege nke bibasirwa cyane.

Source: Mail Online

KANDA HANO UREBE VIDEOS UTASANGA AHANDI