Nigeria: Ubuyobozi bwa Boko Haram bwatumye icikamo ibice

Bikorimana Alexis | 4-08-2016
Nigeria: Ubuyobozi bwa Boko Haram bwatumye icikamo ibice

Umuyobozi wa Boko Haram utavuga rumwe n’uyu mutwe yemeje ko akiri umuyobozi w’uyu mutwe n’ubwo hari itangazo ryashyizwe ahagara n’umutwe w’iterabwoba ugendera ku mahame ya k’ Islam rivuga ko hari abayobozi bashya b’uyu mutwe muri Nigeria.

Nyuma y’uko IS itangaje ko Musab Al-Barnawi ari we muyobozi mushya wa Boko Haram, ibi ntibyakiriwe neza na Abubakar Shekau kuko nawe yahise atangaza ko akiri umuyobozi w’uyu mutwe bidasubirwaho.

Boko Haram imaze ighe ihanagnye n’ingabo za Nigeria ishaka gufata ubutegetsi bw’iki gihugu. Uyu mutwe wagerageje inshuro nyinshi guhirika ubutegetsi bw’iki gihugu ngo bushyireho Leta igendera ku mahame ya k’ Islam ariko ingabo za Leta zikababera intambamyi.

Mu kwezi kwa munani umwaka ushize nibwo Shekau aheruka kumvikana yemeza ko akiri umuyobozi w’uyu mutwe, ko akiriho kandi ko ntawamusimbuye kubuyobozi bw’uyu mutwe.

Shekau arashinja umuyobozi watangajwe na IS Al-Barnawi ko atahwemye kugerageza kumuhirika ku butegetsi ariko ko atazabigeraho bimworoheye.
Mu butumwa bw’amajwi bwamaze iminota 10 mu cyarabu no mu rurumi rw’I gi Hausa agaragaza ko ubuyobozi bwa Islamic State butandukanye cyane n’ubuyobozi bwa Boko Haram.

Nk’uko BBC dukesha iyi nkuru ikomeza ibitangaza, iravuga ko Boko Haram yari yarigaruriye igice kinini cy’amajyaruguru ya Nigeria ariko ubu ikaba yaramaze kubura uduce tugera muri 18 itwambuwe n’ingabo z’iki gihugu.

KANDA HANO UREBE VIDEOS UTASANGA AHANDI