Nyuma y’icyumweru asoje Kaminuza, yishwe n’umukunzi we amuziza kumubenga

Chief Editor | 26-07-2016
Nyuma y’icyumweru asoje Kaminuza, yishwe n’umukunzi we amuziza kumubenga

Kuri uyu wa Mbere tariki 25 Nyakanga 2016, umukobwa w’umunyeshuri wo muri Kenyatta University wari umaze icyumweru ahawe impamyabumenyi, yishwe n’umusore wari umukunzi we nyuma y’uko uyu wishwe amumenyesheje ko agiye kumubenga.

Ikinyamakuru Nairobinews kivuga ko Endinal Nyainda w’imyaka 22 yishwe n’umusore bakundanaga witwa Maxwell Otieno w’imyaka 30, amwiciye mu macumbi bakodeshaga aho banibaniraga ahitwa Kahawa Wendani.

Uyu musore wahondaguye umukunzi we akanamutera icyuma kugeza amunogonoye, yaje gutahurwa n’umuzamu w’amacumbi yabanagamo n’uwo mukunzi we. Uwo muzamu avuga ko mu masaha ya saa cyenda z’urukerera yumvise urusaku mu cyumba babagamo, yajya kureba umusore akamukangisha icyuma undi agahita ahamagara Polisi.

Bivugwa ko Endinal Nyainda na Maxwell Otieno bari bamaze igihe bafite ibyo batumvikana mu rukundo rwabo, ndetse umukobwa akaba yari yamaze kwanzura ko bagiye gushwana burundu, uku kubengwa bikaba ari nabyo bikekwa ko byateye umusore kwivugana uwo yihebeye.

Endinal Nyainda wishwe, yari agiye gukomeza mu cyiciro cya gatatu cya Kaminuza aha muri Kenyatta University, nyuma y’uko mu cyumweru gishize yari yahawe impamyabumenyi ye y’icyiciro cya kabiri cya Kaminuza (A0).

KANDA HANO UREBE VIDEOS UTASANGA AHANDI