konka coffee
KONKA

AMAKURU

UKWEZI

U Bufaransa bwagabweho igitero gikomeye cy’abiyahuzi, abasaga 80 barapfa

U Bufaransa bwagabweho igitero gikomeye cy’abiyahuzi, abasaga 80 barapfa
15-07-2016 saa 05:28' | By Chief Editor | Yasomwe n'abantu 4316 | Ibitekerezo 2

Mu gicuku cyo kuri uyu wa Kane tariki 14 Nyakanga 2016, mu mujyi wa Nice mu gihugu cy’u Bufaransa habaye igitero bikekwa ko ari icy’intagondwa zo mu mutwe wa kisilamu, abantu basaga 80 bakaba bamaze kuhasiga ubuzima abandi barakomereka.

Iki gitero cyabaye mu gicuku ahagana saa tanu, cyagabwe n’abantu bari mu ikamyo yinjiye mu kivunge cy’abantu mu mujyi wa Nice, hagatangira kumvikana urusaku rw’amasasu. Polisi y’iki gihugu ivuga ko umushoferi yari yitwaje ibitwaro biremereye.

Uwari utwaye ikamyo nawe yaje kuraswa, abapolisi bavuga ko basanze mu modoka ye ibyangombwa byerekana ko ashobora kuba ari umugabo ufite ubwenegihugu bw’u Bufaransa na Tuniziya.

Abantu 80 nibo byemejwe ko baguye muri iki gitero, ariko ubwinshi bw’abakomeretse cyane bukaba bushobora gutuma iyi mibare yiyongera. Saa cyenda n’iminota 45 by’urukerera, Perezida Francois Hollande w’u Bufaransa yavuze ko ari igihugu cyose kibasiwe n’iterabwoba ry’imitwe y’intagondwa za kisilamu.

Kugeza ubu nta mutwe uwo ari wo wose urigamba ko waba wagize uruhare muri iki gitero cyahungabanyije abafaransa benshi, gusa hazirikanwa ubutumwa umuvugizi w’umutwe wa Kisilamu yatangaje muri 2014, uyu akaba ari Abou Mohamed al Adnani wavuze ko iki gihugu kiri mu bigomba kwibasirwa n’iterabwoba.


Tanga Igitekerezo
Ibitekerezo 2
Nidanger Kuya 15-07-2016

Hummmm!!!Imana yakire abahitanywe nayo masasu kandi abakomeretse nabo Imana ibakize.Gusa abafaransa bajye bamenya ko urupfu rubabaza haba ku mwirabura cyangwa umuzungu.Abasesero bari bakeneye kubaho nk’abandi bose batahigwaga cya gihe.

ibyahanuwe Kuya 15-07-2016

Ibibyose,abizera IMANA,bakiga ubuhanuzi,bitwereka ko iherezo ryabyose riri bugufi.
ntacyavuzwe kitazasohora pe!

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA